Home General Hopi cacho ta cana los y loke mester wordo haci no ta...

Hopi cacho ta cana los y loke mester wordo haci no ta tumando lugar debidamente

139
0
SHARE
- Advertisement -

ORANJESTAD (AAN) — Masha hopi reclamo tin di personanan cu tin di pasa den mal rato cu cachonan cu ta cana los ariba caya. Reclamo di peatonnan, esnan cu ta traha pa Postkantoor. Ciclistanan y asina por sigui menciona.

E hecho ta cu a bisa na diferente oportunidad cu lo bin cu e ley pa prohibi cacho ta cana los ariba caya, pero keto bay esaki ta sigui tuma lugar cu cachonan ta cana los.

Na diferente oportunidad por a wak con tin hende cu ta busca cacho pa trece cas y ni sikiera cu e cas tin un cura pa asina e cacho (nan) por keda ariba su tereno pa haci trabou di cuida e cas y haci su sushedad nan ariba su tereno.

Por a tende di un instancia cu ta recauda fondo pa asina atende cu e cachonan riba caya, pero loke e lectornan ta reclama, cu e instancia aki ta bin cu nan haula, ta recoge e cacho, ta hiba esaki sea pa haya un hangua of un tratamento.

Pero despues ta bolbe trece e cacho bek cu un banchi bisti y asina lage los pa e sigui molestia esnan cu ta cana eybanda of esnan cu mester pasa eybanda sea ariba bicicleta of ariba brommer.

Tin otro casonan caminda e habitante tin cura, pero e cachonan mes ta pafo di cura henter ora, sin cuminda, sin awa, ta cana kibra propiedad di otro hende, ta haci sushedad ariba tereno di otro hende y nada no ta wordo haci pa cu e situacionnan aki.

Ta tende cu algun paso a wordo tuma y ta duna boet na personanan cu tin cacho ta cana los den bario, pero ariba esaki tambe a bin diferente historia, cu entre otro or cu Polis yega y puntra di ken e cachonan ta?

Diripiente ningun hende ta doño di e cachonan y of ta para responsable. Hopi hende ta bisa, cu a yega ora pa cu e ley di  cachonan cu ta cana los ariba caya bira pisa y si e cachonan aki tin un doño, e boet mester ta asina bon, cu hamas nan lo tin gana di bolbe haci e mes un eror di busca cacho y laga esaki ta cana pa nan cuenta.

- Advertisement -

DUNA COMENTARIO

Please enter your comment!
Please enter your name here