Home General Hopi caso cu tin di haber cu abuso di mucha ta drenta...

Hopi caso cu tin di haber cu abuso di mucha ta drenta na Imelda Hof

70
0
SHARE
- Advertisement -

 

ORANJESTAD  (AAN): E cantidad di mucha cu tin cu ta kedando na Imelda Hof, hopi biaha ta pa motibo di negligencia y tambe pa duna mayornan sosten. Pero loke ta resalta cu mayoria di e casonan ta trata di abuso sexual di e mucha.

Y pa por logra brinda e mucha un guia 24/7 y den algun caso te cu 5’or di atardi, ta door di drecha un di e casnan, cual ta Cas Marijke.

Imelda Hoff a wordo acerca pa AHATA pa wak ki proyecto tin riba lista y hunto cu nan, a dicidi pa drecha y renoba Cas Marijke, cual tabata tin mester di un facelift completo, segun Natalia Hernandez, directora di e instituto.

E proyecto aki a drenta na bon momento pa por traha hunto pa por logra drecha e cas. Mester brinda e muchanan un dak, cual ta responsabilidad di Imelda Hof como organisacion, pero e ta keda e responsabilidad di e mayor y famianan di criansa pa por sigui yuda y sigui brinda e muchanan un bon ambiente pa biba, cuido y un dak y e parti afectivo cu e muchanan tin mester di dje.

En total tin 13 mucha cu ta bibando den Cas Marijke. Tin mas cas. E cantidad di mucha cu ta bibando y pasa dia ta 42. Tin tres grupo cu ta brinda alohamento 24/7. Nan ta keda biba temporalmente den Imelda Hof y tin un grupo cu ta haya guia den dia. Nan ta bay eynan despues di scol y despues di 5’or nan ta bay bek cas, unda cu e mayornan ta keda responsabel pa e muchanan.

Segun Hernandez, Imelda Hof ta depende di cada caso y e hulpvraag di e caso, caminda cu e mucha tin mester di un guia pa 24 ora, e ta keda y caminda cu e mucha tin mester di guia den dagbehandeling, e ta keda den esaki. E parti di 24/7 ta muchanan cu tin trauma y tambe muchanan cu ta neglisha y tambe cu por ta a pasa den un abuso sexual. Muchanan por ta cu mayornan tin mester di un sosten. Esey ta nifica cu nan por drenta den un dagbehandeling y no un alohamento di 24/7.

E directora a comenta cu tin basta caso di muchanan cu a drenta cu a wordo abusa. Ta un punto cu tur sa di dje y ta trahando conhuntamente cu Gobierno y instancianan riba esaki.

Hernandez a sigui splica cu na Aruba ta na altura di e situacion social y esey ta caminda cu tur ta conciente di dje, kico ta e problemanan cu tin socialmente na Aruba y cu ta trahando riba dje. E ta alarmante, pero e ta depende un biaha mas kico e famia ta haci cu e caso, si nan ta bay denuncia y si e caso ta yega na e instancia corecto pa por haci e aanmelding y pa por haya e muchanan pa drenta na Imeldahof pa nan por wordo guia y nan ta haya un luga sigur pa keda.

No ta tur autoridad ta na altura di cierto casonan. E muchanan tey pa proteccion, pero e muchanan a drenta como medida. E medida ta bin di hues, cu e caso a wordo investiga y tin puntonan pakico tin cu brinda e mucha e proteccion. Ta door di un medida nan ta wordo aloca na Imelda Hof, segun Natalia Hernandez.

 

- Advertisement -

DUNA COMENTARIO

Please enter your comment!
Please enter your name here