Home Hudicial Hues a libera muher sospecha pa traficacion di bultonan di droga

Hues a libera muher sospecha pa traficacion di bultonan di droga

174
0
SHARE
- Advertisement -

ORANJESTAD (AAN): Un muher sospecha di ta envolvi den importacion di bultonan di droga a worde laga liber ora el a presenta den Corte.

Hues a hala atencion di Fiscal cu Hues Comisario a prolonga e detencion di e muher te cu un fecha y awor e muher tin di mas sera. Fiscal a pidi Hues pa laga e muher sera te dia di su caso pero Hues a dicidi di laga e muher liber.

    IMPORTACION DI DROGA:

E muher E.G. a presenta den Corte recien caminda e ta worde acusa cu riba 5 y 6 Mei 2018 a importa bultonan y tabata den posecion di marihuana hunto cu otronan. Tambe e ta worde acusa di tabatin bala cayente cun’e riba 6 Mei 2018. Fiscal a bisa Hues cu e caso ta pro forma y ta propone pa tratamento di e caso tuma lugar dia 29 November 2018 pa 8.30 di mainta.

Abogado mr. Lejuez a pidi Hues pa laga E.G. liber pendiente di e caso. El a mustra cu tur e otronan a worde laga liber caba pero E.G. no.

DI MAS DIANAN SERA:

Hues a hala atencion di Fiscal cu Hues Comisario a duna prolongacion di detencion na Augustus 2018 te cu 30 dia. Hues a mustra cu esey ta nifica cu 7 September 2018, E.G. mester ta liber. Fiscal a bisa Hues cu e ta haya cu tin motibo di peso y e otronan ta bisa cu E.G. a organiza e importacion. El a bisa cu e ta contra pa laga E.G. liber. Na opinion di Fiscal, E.G. tabatin un funcion organizatorio.

Abogado mr. Lejuez a bisa Hues cu enberdad no tin prolongacion. E ta haya cu no tin motibo mas pa investigacion. No tin peliger pa huy pasobra e sospechoso ta biba na Aruba.

SOSPECHOSO LAGA LIBER:

Hues a bisa cu e ta pospone e caso un rato pa bay pensa y tuma un decision riba peticion di mr. Lejuez. Hues a bolbe y dicidi cu no tin titulo pa E.G. su detencion y ta dicidi pa E.G. laga liber. Dia 29 November 2018 e caso lo sigui.

E pregunta cu ta surgi ta, Fiscal a faya? Con por ta posibel cu un sospechoso di importacion di droga ta sera mas dia cu Hues Comisario a duna? Hues corectamente a drecha e fayo aki.

 

- Advertisement -

DUNA COMENTARIO

Please enter your comment!
Please enter your name here