Home Gobierno IMF ta yega Aruba pa yuda gobierno den proceso reforma fiscal

IMF ta yega Aruba pa yuda gobierno den proceso reforma fiscal

54
0
SHARE
- Advertisement -

Diamars 4 di September:

ORANJESTAD (AAN) – Prome Minister sra. mr. Evelyn Wever-Croes a duna di conoce den conferencia di prensa, Dialuna, cu Diamars 4 di September awor, gobierno ta ricibi bishita di Fondo Monetario Internacional (IMF) relaciona cu e reforma fiscal, of e cambio di impuesto directo pa indirecto.

E dignatario a subraya cu e luna aki ta crucial y instrumental den e proceso pa yega na e reforma di belasting.

Den e contexto aki e mandatario a informa cu Diamars awo gobierno lo haya bishita di IMF cu a acepta e peticion di gobierno pa yuda nan yega na un sistema di belasting indirecto, mas husto pa Aruba.

“Nan ta yega Diamars, pa dos siman, pa reunionnan, inventarizacionnan, pa asina mira kico tur nos a haci den tur e lunanan aki pa e tema di reforma fiscal y pa valide. Pa valida e calculacionnan y e rumbo cu nos ta bayendo, y ora nan cla cu esey, nos por bisa definitivamente cu nos ta cla pa anuncia cual lo ta e tipo di belasting indirecto nobo cu nos ta bay tin, y kico tur nos ta haciendo”, Prome Minister a declara.

Un ehemplo cu e mandatario a trece dilanti ta e discusion cu tin actualmente si ta 6% of 6.38% cu ta un tema cu a lanta bastante stof den comunidad y cu lo pasa pa pasado. E mandatario a subraya cu mester ta cla y raspa kico ta e belasting y con e ta wordo cobra.

Un comerciante ta cobra 6% otro ta cobra 6.38% pasobra aworaki e ley no ta cla riba dje.

Otro discusion cu por mira den e tema aki di BBO, e BAVP, BAZV, etc., ta e tema kico ta bin y kico no ta bin riba e recibo. Tin comerciante cu no ta menciona nada riba recibo, tin cu ta menciona algun elemento riba recibo, y tin un cu hasta a yama e belasting “coalicion tax”.

E mandatario ta puntra su mes si mester burla di algo asina serio. Pero realidad ta cu e ley ta duna espacio pa esey aworaki y ta bay determina si ta bin algo riba recibo y si ta asina, kico ta bin riba dje.

E mandatario a acentua cu naturalmente, esaki mester bin cu control di prijs, etc.

Na mes momento cu gobierno ta haciendo esaki, ta realizando tambe e calculacionnan pa mira cuanto hende ta bay keda sin paga loonbelasting den e sistema nobo.

- Advertisement -

DUNA COMENTARIO

Please enter your comment!
Please enter your name here