Home General InselAir mustrando cu fayo electronico a pone nan keda sin avion

InselAir mustrando cu fayo electronico a pone nan keda sin avion

26
0
SHARE
- Advertisement -

ORANJESTAD (AAN): Manera a bira conoci, multitud di hende cu a bay mira e evento di Curacao North Sea Jazz Festival a keda pega Diadomingo na e isla ruman.

Esey ta debi cu net e dia ey, InselAir a experiencia y interupcion di servicio.

Nan avion Fokker 50 cu nan ta operando, a sufri un problema electronico riba Diadomingo.  Esey ta e avion turboprop cu nan ta usa pa vuelonan pa Aruba y Bonaire.

InselAir a haye obliga e ora ey pa charter un avion di Aruba Airlines, pa asina transporta e pasaheronan cu a keda pega na Curacao.  Nan a trata di pasa lo mas hopi pasahero posible pa otro aerolinea.

A resulta cu esey tabata dificil, debi cu tur otro aerolinea tabata yen debi na Curacao North Sea Jazz Festival.  E ora pasaheronan no-local na Aeropuerto di Hato, a wordo aloha den Hotelnan riba e isla.  DIARIO a compronde cu no ta tur hende por a haya hotel, pasobra hasta esey tabata scars na Curacao.

Tecniconan di InselAir a traha henter Diadomingo ta troubleshoot e problema.  Te banda di 3:00 am di Dialuna, nan a keur e avion bek y e problema a wordo resolvi.

Dialuna mes, InselAir a adapta nan vuelonan pa asina sigura cu tur pasahero cu a keda pega di Diadomingo, por a yega nan destinacion riba Dialuna.

 

- Advertisement -

DUNA COMENTARIO

Please enter your comment!
Please enter your name here