Home Cultura Interesante expo “Den wowo di Noord” di Richard Wout

Interesante expo “Den wowo di Noord” di Richard Wout

46
0
SHARE
- Advertisement -

ORANJESTAD (AAN) – Recientemente, na MFA Noord a presenta e exposicion “Den wowo di Noord”, door di e artista Richard Wout, ken ta traha arte usando hero como materia prima.

Ademas e ta traha dibuhonan tipo sketch. El a yama e expo “Den wowo di Noord” pasobra atravez di su obranan e ta trece un tiki di e pasado y presente di e Distrito di Noord su cultura.

Tur e dibuhonan cu el a traha ta preto riba blanco y e ta bay traha riba un buki pa muchanan di scol pone nan color, y banda di dje ta pone un blachi bashi pa e muchanan purba imita e dibuho.

Sr. Wout for di chikito ta produci arte, pero aworaki e ta haciendo e den mas profundidad, pasobra el a baha cu pension y tin mas chens awo cu e ta na cas.

E exposicion aki dedica na e distrito di Noord lo ta na MFA Noord te na final di October. Pero si no ta bin otro expo e ta keda te ora cu nan mester di e espacio pa otro evento.

Riba potret por observa parti di e interesante exposicion aki “Den wowo di Noord”.

 

- Advertisement -

DUNA COMENTARIO

Please enter your comment!
Please enter your name here