Home Tempo Isaac awe nochi ta drenta awanan di Lama Caribe

Isaac awe nochi ta drenta awanan di Lama Caribe

396
0
SHARE
- Advertisement -

ORANJESTAD  (AAN) —A pesar cu e tormenta tropical Isaac a perde potencia su bientonan ta alrededor di 55 pa 60 miya pa ora, segun Centro Nacional di Horcan (NHC pa su siglanan na ingles).

MEHORACION

Puerto Rico a adopta medidanan nobo pa enfrenta mihor un desastre manera esun di horcan maria aña pasa, segun Gobernador Ricardo Rossello, aunke el a adverti  pa e limitacionnan deriva  di e crisis economico cu e isla, teritorio americano, ta pasando aden, Rossello a bisa cu dos bodega yen di awa y cuminda ta operando na costanan noord y zuid di e isla y dos mas ta habri awe..

Prome cu Horcan Maria no tabata tin ningun. Gobierno tin awor tambe listanan cu ta identifica e poblacionnan vulnerable, manera di esnan cu ta biba den asilonan pa ancianonan, algo considera crucial pasobra hopi di e 2975 persona cu a muri aña pasa debi na pasada di Maria, a fayece a causa di Maria y tabata adultonan mayor.

Ademas, tin awor cinco linea directo di emergencia cu a wordo instala den asuilonan y otro lugarnan.

PUERTO RICO

Su trayectoria pa pasa riba Puerto Rico diabierna ta fiha pa ta 150 pa 175 miya zuid di Ponce. Segun NHC e tormenta ta move direccion west cu velocidad di 17 miya pa ora cu un presion di mil milibar y e bientonan ta extende na 105 miya di centro di e sistema frontal.

E aviso di tormenta tropical a wordo notificado pa Martinica, Dominica y Guadalupe. Mientras, un vigilancia di tormenta tropical ta conta pa Antigua, Monserrat, Saint Kitts & Nevis, y Saba y Eustatius.

REP. DOMINICANA

For di Republica Dominicana tin e informacion cu e tormenta tropical Isaac lo drenta awanan di lama Caribe  awe nochi y segun e centro nacional di horcan, esaki ta mas o menos 8 or cu e lo pasa directamente riba algun pais di antiyas chikito, esta e parti cu nos ta yama islanan ariba cu ta inclui tambe Saba, St. Eustatius y St. Maarten, Islanan Virgenes (Americano y Britanico) Dominica.  Pero ayera tambe a menciona for di merdia cu Republica dominicano y Puerto Rico a Sali for di e cono di e tormento.

Na Republica dominicana e meteorologo Gloria Ceballos a laga sa cu Isaac e tormento lo sigui move west cu mas o menos 28 kilometer pa ora (locual ta cuadra cu e 17 miya mas o menos cu ta spera na Puerto Rico.

ISLANAN PARIBA

E islanan pariba di e islanan conoci como Islanan Ariba, ayera tabata bao di advertencia pa Tormento Tropical.. Esakinan tabata Martinique, Dominica y Guadeloupe, Antigua y Barbuda. E advertencia na ingles “Tropical Storm Warning” ta significa cu e condicionnan di tormenta ta wordo spera dentro di 36 ora for di e momento ey.

E Tropical Storm Watch tabata pa e islanan Antigua, Montserrat, St. Kitts y Nevis, tambe por menciona St. Lucia, St. Vincent y Grenadines y Grenada

Esaki nota significa cu un tormento tropical lo tuma lugar, pero mas bien cu e posibilidad pa esaki ta existi. E aviso ta wordo duna 48 ora adelanta mas o menos.

 

- Advertisement -

DUNA COMENTARIO

Please enter your comment!
Please enter your name here