Home arte y espectaculo JEON hunto cu Ritmo Real a lansa cancion y video clip “Aruba”

JEON hunto cu Ritmo Real a lansa cancion y video clip “Aruba”

122
0
SHARE
- Advertisement -

ORANJESTAD (AAN): Dialuna anochi hunto cu presencia di Promer Minister, Minister di Cultura, Minister di Turismo y otro invitadonan Aruba su orguyo nacional Jeon a lansa “Aruba”. Aruba ta un cancion nobo cual ta un regalo di Jeon pa su isla.

E meta di e cancion y e video clip cu a wordo lansa ta pa pone cada Arubiano refleha riba nos raiz, corda unda nos ta bin y balora locual cu nos tin. E cancion ta wordo interpreta pa Jeon mes hunto cu Ritmo Real.

A escoge e sitio di Parke Arikok pa asina presenta e cancion y e video clip mirando cu e inspiracion pa e cancion a nace den e parke mes.

Durante cu Jeon a subi riba sero di Jamanota pa promer biaha un par di siman, e inspiracion a nace. Esaki tabata na momento cu e tabata mira e paisahe unico cu nos Aruba ta ofrece. Jeon ta conta : ““Mi a para riba e punta di mas halto y literalmente mi por a wak San Nicolas y mi por a wak Noord. Ami nunca a mira mi isla di un perspectiva asina”.

Den un mundo actual unda cu tin hopi stress, tension, presion y te hasta negatividad ta reina tur rond y cu consecuentemente ta afecta nos isla mescos tambe a nace un necesidad pa crea un modo di ‘reset’ por medio di musica. Cu e cancion “Aruba’ nos pueblo por refleha nan mes den forma di un ‘reset’ . Esaki lo yuda pa nos ta gradecido pa loke nos tin y corda unda nos ta biba y celebra nos cultura rico.

Loke ta remarcabel ta cu a usa e base di ritmo di wals den e cancion aki pero cu un toke moderno. Tambe a usa e instrument di Violin cual a wordo toca pa e talentoso Omar Kock. E cancion ta un composicion di Jeon, produccion musical di T Drick y director di Video Edward Silberie. E paisahenan bunita aki ta netamente loke nos por mira den e video clip tambe.

 

Por mira e video clip riba Jeon su pagina di Youtube:

https://www.youtube.com/watch?v=OY6zqy-lrNk

- Advertisement -

DUNA COMENTARIO

Please enter your comment!
Please enter your name here