Home General Jet Fuel contamina cu awa a causa retrazo na cantidad na Aeropuerto

Jet Fuel contamina cu awa a causa retrazo na cantidad na Aeropuerto

146
0
SHARE
- Advertisement -

ORANJESTAD (AAN): Un situacion inespera a presenta su mes Diahuebs den oranan di merdia y atardi na Aeropuerto.  Specificamente cu e suministro di Jetfuel pa avionnan grandi cu tabata preparando pa lanta vuelo.

Desde cu Valero Fuels a cera su porta, el a bira conoci como FMSA Fuels.  E compania aki ta encarga pa suministra Jetfuel na Aeropuerto di Aruba.

Cu hopi cautela, e compania ta handle cu Jetfuel, y ta pasa esaki den diferente filter prome cu e wordo yena den tanki di avionnan.

   AWA DEN JET FUEL:

Ta hopi importante pa Jetfuel ta liber di contaminacion di awa.  Pasobra durante vuelo, e temperatura di e combustible den tanki ta baha debi na e temperaturanan abao den parti mas ariba di atmosfera.  Esaki ta causa precipitacion di e awa disolvi for di e combustible.

E awa separa aki asina ta baha te na e bom di e tanki, pasobra e ta mas denso cu e combustible.  Como cu e awa no tey mas den e solucion di combustible, e por forma druppel cu por freeze bao di 0º Celsius.  Si e druppelnan gevries aki mishi cu un superficie, nan por sigui freeze y por blokea pipanan di fuel.

Tin diferente forma pa detecta awa den Jetfuel.  Un chekeo visual por detecta concentracion halto di awa cu ta suspendi den e combustible, pasobra esaki lo pone e fuel bira wazig den apariencia.  Pero tin un test quimico pa detecta awa den Jetfuel, den forma di un filter special sensitivo pa awa, y e ta cambia di color y bira ‘berde’ si acaso tin mas di 30 ppm di awa den dje.

A bin descubri Diahuebs cu tin awa den Jetfuel cu nan a usa pa yena tanki di avion.  Esaki mesora a crea un alerta, y a afecta 5 avion comercial cu tabata abao sperando nan turno pa lanta vuelo.

   KLM A DESVIA PA CURACAO:

E informe a bay tambe mesora pa e aerolineanan cu tin avionnan rumbo pa Aruba, pa mustra nan cu Jetfuel riba e isla por ta contamina, y duna nan opcion.

Vuelo KL-765 di KLM cu ta un Airbus A-330 bulando e momento ey di Amsterdam pa Aruba, a opta pa desvia nan vuelo, y a bay baha na Aeropuerto di Curacao pa asina nan yena Jetfuel eynan.

Mientras tanto, Departamento di Aviacion Civil a opta pa controla tur e avionnan cu a ya a yena nan tankinan na Aruba.  No kier a core riesgo, y a prefera di haci test cu cada uno.

Un otro avion cu tabata yegando Aruba, esta un Airbus A320 di Aruba Airlines tambe a desvia pa Curacao pa asina busca fuel aya.

“Aeropuerto no ta cera, djis cu e avionnan cu a fuel no por sali y avionnan cu ta bin Aruba pa fuel, ta manda nan Corsou of Boneiro”, ta loke vocero Hendrick Croes di Aruba Airport Authority NV a indica.

E testnan preciso aki a causa retrazo, y atardi casi ningun avion a lanta vuelo.  Como cu Aeropuerto a keda habri, e avion di Avianca procedente di Bogota a baha normal.  Tambe el a subi normal bek, pero a bay haci un escala na Curacao pa asina yena tanki aya, y despues sigui pa Colombia.

Gobierno tambe a haya sa di e problema cu Jetfuel constata na Aeropuerto Reina Beatrix. Mesora a mobilisa y ta buscando e origen di e problema. Tambe ta buscando solucion pa e avionnan. Mayoria ya a haya solucion temporal pa bay fuel na Corsou. Prome Minister mr. Evelyn Wever-Croes ta informa y a pidi tur esunnan envolvi pa duna prioridad na e problema serio aki.

SOLUCIONA:
Mas anochi, Gobierno a emiti un boletin pa splica cu e problema a wordo soluciona, y cu FMSA a deduci cu un di e tankinan a wordo contamina cu awa.  Pero e otro tankinan si ta OK.  Awor ta bay investiga kico realmente a pone awa contamina e tanki.  DIARIO a compronde cu algun vuelo simplemente a wordo cancela tambe.

- Advertisement -

DUNA COMENTARIO

Please enter your comment!
Please enter your name here