Home Policial Ladron a horta pertenencianan den mas di siete cas na Ayo

Ladron a horta pertenencianan den mas di siete cas na Ayo

3578
0
SHARE
- Advertisement -

Polis mes no por a gar’e ainda:

ORANJESTAD (AAN) – Habitantenan di Ayo a perde nan paz y nan sosiego pa motibo di un pareha cu tin nan atemoriza, ya cu nan ta hortando pertenencianan den e autonan tur dia, entre anochi cu madruga.

Tin serio sospecho cu ta un pareha di habla Spaño, cu ta traha pa un famia cu tin un cunuco, pero e habitantenan concerni, no por a comproba esaki ainda.

Si nan a pone polis na haltura y nan ta vigilando pero no a logra ainda atrapa nan.

Ya nan a horta den mas di siete auto. E homber ta recore e bario riba bicicleta, y e ta cana cu un aparato special cu e tecniconan profesional ta uza ora cu un persona ta laga yabi cera paden di auto y ta pidi pa asistencia.

E individuo aki ta habri e autonan y ta horta kico tin den dje, di un dollar cu a keda lubida te un bachi cu por a laga riba asiento, pero loke ta capta atencion ta cu e no ta laga e auto cu daño, kiermen no ta kibre. Pues radio, of otro piezanan e no ta bay cu nan.

E sospecha di unda e pareha ta biba ta fuerte, pero e habitantenan afecta ni polis no a logra atrape. Dos persona masculino cu ta biba den e bario a logra gare un par di siman pasa, pero el a scapa di nan, kiermen no por a retene.

Segun e kehonan e homber cu ta haci su fechorianan ta papia Spaño, y mescos cu coneu ta core lige drenta den mondi y disparce.

Un di e habitantenan cu tin camera di seguridad por a capta su imagen pero no tur tin e sistema aki den nan cas.

E ta sigui habri e autonan entre anochi cu madruga, y su centro pa actua ta Ayo y semper den e mesun area unda tin casnan cerca di otro locual tambe ta un incognita pa e habitantenan.

Polis ta vigilando, pero e individuo tin hopi habilidad pa scapa y autoridad no a logra pone man riba dje.

Tin anochinan cu e pareha ta sali hunto haci nan fechoria tin biaha den auto. No ta conoci si e famia doño di e cunuco por sospecha ken nan tin trahando pa nan y kico nan ta haci den madruga.

En todo caso, e habitantenan ta spera cu pronto polis por gara nan, pasobra awor kizas nan ta alerta pa no lubida e telefon den auto, ni placa, ni nada otro cu e por horta manera na cuminzamento di e problema, pero dia di mañan, si nan conoce e casnan bon, nan por drenta den cas di famia mes y laga nan plan bashi den dia cla, mirando cu ta den garashi di cas mes, nan ta habri auto y ta lague despues manera nada a sosode.

- Advertisement -

DUNA COMENTARIO

Please enter your comment!
Please enter your name here