Home General Ley di ARBO lo ta mas detaya y amplio y lo mira...

Ley di ARBO lo ta mas detaya y amplio y lo mira e union entre dunado di trabou y empleadonan

31
0
SHARE
- Advertisement -

Flora Petronilia:

ORANJESTAD (AAN): Flora Petronilia, consehero di ARBO y beleid medewerker di Labor, ta trahando cu Departamento di Labor riba e ley di ARBO, cu ta un ley di siguridad, salud y bienestar.

A cuminsa den 2015 y e tempo ey Petronilia tabata traha na SVb y gobierno anterior a acerca su persona pa forma parti y cuminsa traha riba e ley riba situacion laboral pa empleadonan. Esaki no ta solamente pa sector di gobierno pero pa tur hende na Aruba cu ta labora.

A cuminsa traha riba dje na 2015 y despues a encamina e caminda pa bay den un comision. Diferente departamento di gobierno a sinta den e comision aki y tabata encarga pa haci inspeccion. Di eynan a forma un producto cu a keda entrega aña pasa den luna di mei. Despues di e cambio di gobierno, e ley a haya su atencion debido. E aña aki a cuminsa delinea un biaha mas cierto formacion pa asina por bini cu loke tin mester pa por sigui e caminda di cual Aruba por haya su ley di ARBO.

Desde aña pasa a entrega e ley di ARBO na gobierno anterior, y e gobierno actual a tuma esaki over. A tuma luga diferente reunion unda cu nan a acerca Departamento di Labor. Aworaki ta wardando pa bin un dialogo social, unda cu e tres partnernan tanto como gobierno, sector priva y sindicatonan/gremionan ta forma un team. Ta bezig riba esaki y ta premira cu aki 1 pa 2 luna lo tin un concepto te ora ey por bin cu un formacion di team, asina ey cada ley laboral lo haya su debido atencion.

Gobiernonan anterior y awor ta pro pasobra a demostra via documento pero den añanan cu ta trahando riba e parti di inspeccion den gobierno, scolnan y priva. Mester di un ley cu ta encarga p’e tipo di inspeccionnan ey. Tin e “veiligheidsverordering: veiligheid besluit 1 en 2” pero nan ta hopi anticua. Esey a haci e inicio cu gobiernonan a dicidi di bay haci remodelacion y revision riba ley veiligheidsverordering, unda decisionnan for di 2007 y Status Aparte tabatin e pensamento pa bin cu cambio.

E ley di ARBO lo ta mas detaya y amplio, pasobra lo mira e union entre dunado di trabou y empleadonan. Pa por tin solamente un ley, pero puntonan cu ta haci e parti prevencion pa evita insiguridad na pia di trabou y salud tambe. “Tur empleado ta sali for di nan cas den un situacion saludabel pa bay traha pa nan dunado di trabou. E dunado di trabou tambe tin cu ahusta su mes, su compania pa unda e empleado ta duna su servicio pa despues e regresa su cas den e situacion saludabel cu nan a sali”, Petronilia a expresa.

ARBO ta encera no solamente e compromiso entre dunado di trabou y empleadonan, e parti di siguridad ta detaya debidamente. Ta haya ayudo den e prome añanan cu ta bay den fase, pasobra e ta algo nobo y mester bay custumbra cun’e na Aruba. E ta bay den fase pa duna un campaña di informacion prome, duna sindicatonan informacion pa nan cede di empleadonan.

Despues lo sigui e parti di exigencia p’e prome periodonan, momentonan di evaluacion. Ora cu tin esaki domina completamente, e veiligheidsverordering, veiligheidsbesluid ta haya un ley mas amplio y internacional conforme cierto tratadonan di ILO ta rekeri y exigencia. Aruba ta yega na un fase di competi internacional den congresonan y por bisa kico ta haciendo p’e proteccion, siguridad, salud y bienestar di cada un empleado.

E ley mester su debido atencion p’e cana su caminda debido. Petronilia ta contento ta contento cu tur gobierno a mira e necesidad y e ta riba lista di prioridad. A yama di biaha reunionnan y e preparacion ta cu mester cana su caminda debidamente. Door cu tin bastante ley cu ta rekeri situacion laboral, mester analisa nan y Departamento Laboral tin comision cu ta haci esey.

Gobierno a dicidi di haci esaki transparente, unda cu tur instancia tin acceso y tambe ta na altura debidamente. Nan tambe por duna puntonan di bista y asina lo tin cooperacion. Esaki ta un di e tantisimo leynan cu Aruba mester di dje.

 

 

- Advertisement -

DUNA COMENTARIO

Please enter your comment!
Please enter your name here