Home Gobierno Ley nobo a pone cu awor tur Polis por controla hende ilegal

Ley nobo a pone cu awor tur Polis por controla hende ilegal

1863
0
SHARE
- Advertisement -

ORANJESTAD (AAN): Diamars mainta den Parlamento, Ministro di Husticia Andin Bikker tabata orguyoso con a bin cu cambio den ley, pa asina tin mihor control riba tur cos ilegal riba e isla.

E tabata orguyoso pa mustra con awor, Polis tambe autoridad di haci control riba ley di LTU.

Entrante 1 di Juli 2018 cu a pasa, Polis uniforma tambe tin autoridad pa controla hende ilegal. Nos ta trahando conforme cu e plan a base di cual a haya aprobacion di Parlamento cu Presupuesto 2018.

Segun Ministro Bikker, ora cu na final di 2017 el a asumi responsabilidad como Ministro, e Ministerio tabata enfrenta dos reto den Departamento di DIMAS.  Uno tabata cu ta implementando sistema di computer SIRSA (Sistema Inovacion Registro Stranhero Aruba), cu ta un sistema di computer inteligente pa yuda e proceso pa aplicacion di permiso wordo tramita mas rapido, y el a bira digital.  Ministro ta orguyoso cu unavez bo siñe e computer SIRSA con e maneho ta, e computer y software mes ta usa inteligencia artificial pa asina cuminza haci e proceso mas rapido.

Bikker a asumi e titulo di Husticia, y a bin topa cu e momentonan ey DIMAS tabatin un retrazo di casi 6.000 peticion den e implementacion di SIRSA.  Djis corda cu pa aña, DIMAS ta haya como 15.000 pico peticion pa permiso.  Pues e retrazo di 6.000 ta uno hopi grandi.  Gobierno nobo a traha mesora riba e asunto aki, y Bikker awor a anuncia con den algun luna a bahe te na promedio di 1.000 peticion atraza.

Di dos reto tabata cu ex-Ministro Sevinger di AVP tabata pone firma OK bay goal riba documentonan, y duna miles di “akkoord” riba papel di stranheronan, y esey a crea expectativanan cerca hendenan, cu a pone presion riba DIMAS.  Esey ta debi cu DIMAS si tabata mantene su mes na maneho.  Pero e firmamentonan pa loco di Ministro, a pone DIMAS haye confronta con nan Ministro mes tabata tuma decision personal y duna akkoord paki-paya.  Esey a trece cu no tabatin coherencia den maneho, special cu bo tin ex-Ministro Sevinger na forma constant y structuralmente firma akkoord bay goal.

Cu Gobierno nobo, DIMAS a dicidi bay bek na maneho corecto di ley.  Dia 13 December caba Ministro Bikker a anuncie, y hunto cu DIMAS y demas departamento a check kico ta e retonan y a bin cu un maneho mihor.

EX-MINISTRO A LUBIDA STAATSSECRETARIS:

Algo cu Ministro Bikker a sorprende tur hende, ta cu el a bin haya e Cashi di Ministro hopi bashi, pues cu nada di documentacion.  Via-via a cuminza reconstrui via Diensten e documentonan aki.  Asina a bin realiza cu un Carta hopi importante a yega di Hulanda, y ex-Ministro Sevinger no a dune contesta.  Sevinger lo a prefera di core campaña electoral.

Ora cu Ministro Bikker a busca y haya copia di e carta ey, a haya sa cu Staatssecretaris pa Asuntonan Reino, a manda carta na Mei 2017 pa Ministro Sevinger y bise cu e tin 8 aña cu concepto di ley pa LTU nobo den Parlamento y ainda no a implemente.  Pero Hulanda a haya sa cu den vreemdelingen keten, Sevinger ta dunando akkoord/permiso pa hende cu no tin base legal.  Staatssecretaris a dune un last chens di Mei te December 2017 pa coregi, sino riba 1 di Januari 2018, Hulanda lo no respeta mas e tipo di permisonan aki cu no tin base legal.

Nunca Sevinger a contesta Staatssecretaris.

Pero Andin Bikker como Ministro nobo mesora manda carta bek pa Hulanda, y pidi audiencia cu Staatssecretaris.  E fecha di 1 Januari 2018 a wordo cambia door di Hulanda e ora, y a duna e isla te 1 October 2018 pa bin cu e ley nobo di LTU.

Gobierno nobo a core traha riba e retonan, yena cu reunion, brainstorm, y a entrega na Juli 2018 un concepto di ley pa atende un LTU nobo.  Tambe a atende preocupacion di Reino Hulandes pa evita cu si no atende 1 October 2018, tin grupo di ciudadano cu por sufri pasobra ex-Ministro no a atende e carta di Hulanda, y e ciudadanonan ey lo haya sa cu ora nan pidi naturalizacion, nan lo wordo nenga pasobra e vergunning ey cu nan a haya via firma di “akkoord” di ex-Ministro no tin base legal.

Gobierno a traha riba e concepto di ley, y na Augustus haya conseho di Raad van Advies y tin di haya cooperacion di Staten pa traha e ley prome cu 1 October.

Bikker a splica cu Dialuna 3 di November a papia cu Staatssecretaris y mustra con Aruba a haci su best y cu Gobierno aki no tin culpa cu ex-Ministro Sevinger den ocho aña largo a haci nada cu e ley.  Aruba awor a haya un extension pa 1 December 2018.

Biker ta spera cu Diabierna lo por finaliza un rapport, pa despues bay Parlamento y ta spera cu por cumpli cu extension.

El a splica cu nan tin plan pa link e sistema SIRSA cu Ministerio di Asuntonan Social y tambe Ministerio di Labor, cu kier bin cu un tipo di permisologia pa traha structura cu tin mihor bista riba mercado laboral, y cu nan ta organiza mihor, y esnan cu no tin permiso lo por haya e maneho di admision y expulsion, riba nan cu maneho stringente y cu poblacion por bay nota mihor control awor cu Polis tambe por haci esey.  Y e stranhero legal lo por haya contesta riba nan prolongacion di vergunning, na forma mas diligente.

 

- Advertisement -

DUNA COMENTARIO

Please enter your comment!
Please enter your name here