Home General Ley ta papia cla y raspa kico mester pasa si acaso Tony...

Ley ta papia cla y raspa kico mester pasa si acaso Tony Roma’s bira un Denny’s

33
0
SHARE
- Advertisement -

ORANJESTAD(AAN): E situacion di Tony Roma’s por bisa cu a bay riba un siguiente nivel. Ya for di diabierna ultimo e restaurant a cera su portanan. E trahadonan ta preocupa. Tin di compronde cu gerencia a bati na porta di departamento di labor.

Director di Departamento di labor, sr. Nick Kock, a splica cu gerencia di Tony Roma’s a haci un peticion na e departamento pa retira 22 trahado. Por a compronde cu tin en total di 36 trahado, pero 14 di e 36nan aki a haya trabao na otro companianan. E ora ey e necesidad pa retiro a keda pa 22 trahado. Entre tanto a papia tambe cu e trahadonan dialuna. Minister Glenbert Croes a convoca un reunion urgente cu tur e trahadonan.

   Procedura:

Sr. Kock a splica cu normalmente ta asina ora cu un compania kier cera su portanan, den e sistema legal, gerencia tin tres opcion. Uno ta cu e ta acerca su trahadonan pa yega na acuerdonan mutuo cu e trahadonan. Despues e ta cera su negoshi. Esey ta un posibilidad cu semper tin.

E ora no mester cana ningun caminda exterior, ni bay labor ni bay corte. Otro opcion ta pa bay labor pa pidi retiro. Tin un di tres opcion, cu por bay corte pa pidi hues pa disolve e contracto laboral.

Si en caso bo kier cera bo negoshi y kita trahado, procedimento ta bira e ora cu bo tin cu haci un peticion. No mester lubida, cu ta un procedura hopi habri. Bo ta haci bo peticion pa kita trahado. E trahadonan ta haya un chens pa defende nan mes, “verweer”. Despues di esey, gerencia ta bolbe haya chens pa reacciona di loke e trahadonan ta bisa. E ora e trahadonan ta haya un di dos tanda pa reacciona riba loke e dunado a bisa den e prome tanda. Segun Kock. E ta un procedura hopi habri, na unda tanto dunado di trabao, como e trahadonan ta haya tur cos di otro. Tur informacion cu worde duna den e proceso aki, ta bay pa ambos partido pa nan por defende nan mes bon.

Den e caso aki, ta asina cu e motibo cu a usa ta cu cos ta bayendo malo cu e compania, cu mester cera y a base di esey tin cu kita trahado. Kock a bisa gerencia di Tony Roma’s, cu a bin haci e peticion di retiro, cu haci peticion di retiro na labor no ta nifica cu bo ta hay’e. Esey ta nifica cu departamento di labor, a base di e informacionnan cu tin, un comision retiro cu ta check e casonan y ta conseha e director di labor, ki decision e ta tuma. Pero ta bay check bon. Por ehempel den e caso aki di Tony Roma’s, nan por a demostra cu nan por a cera. Y pio na e momento cu a cera, si esey a bay na un forma corecto y hustifica.

Nick Kock a splica tambe cu kier haya sa di con a scoge net e 22 trahadonan aki, pa e peticion di retiro. Ta preguntanan cu tin cu haya contesta riba nan. Un otro cos ta, desde dia 1 di April 2013 a bin e ley di traspaso di compania, cu ta prohibi un dunado di trabao pa kita un trahado si tin un traspaso di compania. Compania B ta tuma compania A over, manera cu e ley di traspaso ta awor aki, ta cu una bes cu compania B tuma compania A over, e tin cu bay tambe cu e trahadonan. No solamente inventario, edificio, clientela.

Tin cu bay cu e trahadonan tambe. Esey ta un ley cu a bin na 2013 pa proteha e trahado. Ora di traspaso di compania, ley ta prohibi pa kita trahado unilateralmente. Es decir ni cu a haya permiso di retiro, por a retira e trahadonan. E companianan tin cu bay cu e compania nobo.

 

- Advertisement -

DUNA COMENTARIO

Please enter your comment!
Please enter your name here