Home General Maneho pa loke ta viahamento di muchanan menor di edad parce toch...

Maneho pa loke ta viahamento di muchanan menor di edad parce toch a conoce cambio

359
0
SHARE
- Advertisement -

ORANJESTAD (AAN):  Por corda cu algun luna pasa riba rednan social tabata circula informacion di algun cambio pa loke ta e maneho ora di viaha cu muchanan menor di edad. A informa di full un proceso cu mester a sigui siendo cu esey tabata aplica na otro paisnan pero no na Aruba.

Den e caso ey, Minister Bikker a bin dilanti den un rueda di prensa pa aclarea riba e maneho aki, y el a bisa cu e maneho no a cambia.

Na Aruba tabata normal cu por a viaha cu un menor di edad, y den caso cu un di mayornan no tabata viahando, gewoon tabata presenta un carta, na Migracion, cu firma di e mayor cu ta keda na Aruba autorizando e salida di e mucha y esey tabata tur cos.

DIARIO a haya informacion cu parce toch e situacion a cambia na Aruba den e dianan aki.

Den e dianan aki di vacacion, cu ta dianan basta druk, parce cu e maneho lo a cambia y awor si ta rekeri di un carta legaliza y firma door di tur dos mayor. E carta aki por wordo traha y hiba notario of lo mester bay Directie Wetgeving en Juridische Zaken (na Schotlandstraat) pa haya un stempel y wordo valida.

Segun fuentenan na altura, na DWJZ e carta mester wordo “apostiya” y firma personalmente door di ambos mayor.

Tin entendi cu den e dianan druk aki Voogdijraad y DWJZ tabata trahando den weekend y anochi atendiendo cu tur e casonan cu a presenta, unda a involucra viahamento cu menor di edad.

Toch ta bon cu Aruba a tuma pasonan den e direccion ey pa proteha e mucha nan derecho y principalmente nan seguridad y intregridad.

Aunke Minister Bikker no a anuncia nada oficial relaciona cu un cambio den maneho aki ta kere cu pronto e lo haci publico cualkier anuncio. DIARIO a purba di contact’e diaranzon atardi pero no tabata posible haya su reaccion.

- Advertisement -

DUNA COMENTARIO

Please enter your comment!
Please enter your name here