Home General Marca di uniform patenta ta hayando competencia cu producto “fake”

Marca di uniform patenta ta hayando competencia cu producto “fake”

42
0
SHARE
- Advertisement -

Na unda e control a keda?

ORANJESTAD (AAN) – Tin un marca di uniform cu mas tanto e empresanan na Aruba ta uza, tanto gubernamental (NVnan estatal) como companianan priva, cu un tienda so riba nos isla tin e patente, kiermen autoridad pa bende e marca registra.

Segun un fuente cu conoce a comenta na nos redaccion, e producto aki ta di Merca y ta mundialmente reconoci pa su calidad, y un carson patenta so, ta costa mas cu cien florin y prijs di camisa of otro pieza di un uniform ta mas of menos mes costoso. Calidad ta bal, pasobra ta telanan hopi duradero, y tambe diseñonan bunita y bon presentable.

Ultimo temponan ta parce cu e tienda patenta ta sinti cu e clientela ta bahando.

No obstante, y por ta e motibo cu e demanda a baha, tin un establecimento na Aruba cu ta treciendo un producto etiketa cu e mesun marca pa un prijs cu contando e impuestonan acerta ta costa algo mas cu 20 florin pa carson, y ta traha na China locual ta mustra cu e producto ta “fake” (di contrabando), y di hecho ora cu e ta wordo laba, di biaha por nota e diferencia den calidad. Asina e establecimento patenta ta hayando informacion di algun cliente mes.

Atrobe ta bin acerca cu na Aruba no tin control di productonan riba nos mercado. No ta esaki so, pero tin diferente otro tipo di marca mundialmente reconoci y hopi costoso mes, di cual ta haya un “clon” na prijs economico den tiendanan cu no tin e seyo di marca registra sino cu nan ta bende imitacion, pues cu otro palabra e bendito “pirateria” cu ainda ta sigui existi riba nos Isla.

Un tema cu ta mustra interesante si, pero cu posiblemente e mesun consumidornan of e tienda cu tin e seyo di marca registra por bay denuncia na Propiedad Intelectual, si ta asina cu nan por actua al respecto.

Nos redaccion a haya e nomber di e comercio cu tin e marca registra di uniform, y tambe esun cu ta bende e producto “fake”, pero ta keda na autoridad concerni bay investiga y aplica e medida si den e caso e benta ta rigi pa ley.

- Advertisement -

DUNA COMENTARIO

Please enter your comment!
Please enter your name here