Home Parlamento Mas compania mester aporta na economia social

Mas compania mester aporta na economia social

23
0
SHARE
- Advertisement -

Shailiny Lee: cuponan di trabao pa hende cu limitacion ta hopi importante

ORANJESTAD (AAN): Parlamentario Shailiny Lee Diahuebs a participa na e asina yama European Social Economy Regional Conference y durante e conferencia di prensa di tur Dialuna di fraccion di MEP, el a splica cu e aña aki e topico tabata: Recreating Social Space for Entrepreneurship.

“Esaki pami ta un area cu na Aruba sigur nos tin cu desaroya, pasobra e por aporta grandemente na loke ta e metanan di desaroyo sostenible 2030”.

Esaki segun e parlamentario, kende a sigui bisa cu durante e conferencia Karel van de Poorten di e comision di Union Europeo a elabora riba e hecho cu Europa ta basta leu caba cu e parti di economia social.

Un di e aspectonan cu mas tin e atencion di Lee ta e trabao di Trampoline pa Trabao cu pa algun aña caba ta traha riba e tereno di economia social, caminda nan ta traha cu diferente compania local, cu tin como meta tambe pa crea espacionan laboral pa esnan cu tin un limitacion fisico of mental.

Trampoline pa Trabao pues ta fungi manera un brug entre esnan cu limitacion cu ta busca un trabao y e posibel dunadornan di trabao.

“Ultimo añanan nos a wak hendenan cu limitacion mas involucra den sociedad, unda cu nan ta participa mas na actividadnan social”.

“Mi ta kere cu mester hisa e calidad di bida di e personanan aki, door di duna nan mihor oportunidad pa haya un trabao, caminda cu nan ta sinti nan mes util y cu nan ta aporta na desaroyo di nan pais”.

Esaki segun Lee, kende a indica cu na e manera aki nan ta bira mas independiente.

El a elogia companianan manera Goshen Organic Farm, Jabon Aruba y Aruba Ginger cu ta duna hendenan cu limitacion of problema di adiccion un trabao.

“Loke mi ta haya hopi bon di e negoshinan aki ta cu no solamente nan ta duna cuponan di trabao, pero nan ta percura pa e formacion necesario di e personanan aki”, segun e parlamentario.

 

- Advertisement -

DUNA COMENTARIO

Please enter your comment!
Please enter your name here