Home General Mester bin otro prijs pa esnan di menos recurso por paga Serlimar

Mester bin otro prijs pa esnan di menos recurso por paga Serlimar

6
0
SHARE
- Advertisement -

Segun Rudy Geerman di FTA: 

ORANJESTAD   (AAN): E sindicato FTA a mandando un carta p’e minister concerni y president di Parlamento pa evalua e situacion di e tarifa cu tur hende mester paga. Cu mester paga ta berdad, cu mayoria mester paga 25 florin y ta e maximo si, pero a lubida riba esunnan cu menos entrada. Mester bin cu un otro prijs pa esunnan cu tin pension, onderstand of salario minimo, asina Rudy Geerman di FTA a bisa.

Loke gobierno actual a haci riba e situacion aki ta invita sindicatonan cu a cuminsa e proceso cu gobierno anterior. Di tur sindicato invita, 3 so a presenta y a sinta cu e gobierno anterior. Tur e tempo ey no a yega na acuerdo, pero awo cu e gobierno actual a sinta nan tambe ta haci mescos. Por a invita mas partner social, pero a haci manera e otro gobierno, unda a tuma sindicatonan cu a vocifera den e ultimo añanan.

A manda un carta p’e gobierno pidiendo pa un reunion, pero pa motibo di otro compromisonan FTA no por a bay e reunion. FTA a manda carta pidiendo pa reflexiona riba e caso aki y e tarifa social. FTA ta contra pasobra no por hinca tur hende den e mesun macutu. A baha tarifa pa esunnan, manera Parlamentarionan, cu por a paga un suma di 60 florin te na 25 florin mientras un hende cu ta cobra onderstand tambe tin di paga e suma ey. Hopi ta papia di 90 florin, pero pa por yega na e remarca pa paga un tarifa asina e persona mester gana un suma basta halto.

FTA no ta acepta cu no tin tarifa social. A bin cu e tarifa a base di esun cu ta gana mas, ta paga mas. Si tabatin problema riba tarifa social, discuti’e pero no bisa cu e tarifanan di 90, 75 y 50 ta mucho hopi y ta bah’e ta na 25 florin. Ta bisa cu e suma di 90 of 50 florin ta hopi pa algun hende paga, pero no ta tene cuenta cu esunnan di menos recurso. Ora ta papia di evalua, ta evalua esunnan cu ta gana mas y esun cu ta gana menos. Asina aki ta yega na tarifa social, segun Geerman. Esey ta loke falta den e ultimo proposicion cu a bin di Parlamento.

FTA ta pidi pueblo pa keda pendiente, pasobra nan ta consecuente den loke ta haci. Aworaki e pago ta bay via di belasting, pero keda pendiente. Esaki ta algo inhusto pa esunnan cu tin menos recurso. Hendenan cu ta cobra onderstand tin cu paga 25 florin, mientras Parlamentarionan of otro hendenan cu ta gana riba 10 mil of 15 mil florin tambe tin cu paga 25 florin y esey ta inhusto.

 

- Advertisement -

DUNA COMENTARIO

Please enter your comment!
Please enter your name here