Home Deporte “Mi ta haci mi best pa bay Merca mas pronto posibel”

“Mi ta haci mi best pa bay Merca mas pronto posibel”

154
0
SHARE
- Advertisement -

Nigel Calmes catcher firma pa Tampa Bay Rays

ORANJESTAD (AAN)- Diaranzon atardi a yega Aruba e hoben Arubiano Nigel Calmes cu a firma profesional cu Tampa Bay Rays. Nigel a caba di forma parti di e team Tampa Bay Rays  cu a bira campeon di Dominican Summer League.

Na su yegada na aeropuerto el a wordo ricibi pa su famia, prensa y invitadonan cu a yame un bon bini y felicite pa su logro aki. Segun Nigel e campeonato cu el a caba di hunga tabata un experiencia unico caminda nan a gana 49 wega y a perde 13.

El a bin awor 1 luna Aruba, pero lo sigui train aki nan y na October lo e bay bek Santo Domingo pa sigui train. “Mi lo haci mi best pa bay Merca mas pronto posibel”. Su conseho na otro hobennan ta “Si bo por haya un firma, bay pe. Mi mes a pasa den hopi cos prome cu mi a yega eynan, pero cu fe den Dios bo ta logra”.

Su tata cu tambe tabata presente a conta cu Nigel ta un mucha homber cu ta gusta futbol. El a haya un oportunidad pa hunga cu campeonato cu  Benjamin, y a sali e mihor pitcher di henter e campeonato.

E ora su tata a bise, “ata bo oportunidad aki nan, mihor bo colga bo zapato di futbol y bay pa esun di baseball. Y awe por mira con leu el a yega caba.  Conseho di e tata ta pa “Mayornan no give up, sigui apoya e muchanan. Si e ta pabo e ta yega”.

 

- Advertisement -

DUNA COMENTARIO

Please enter your comment!
Please enter your name here