Home General Miembro di CDA Karsten Klein a bishita Gobernador Boekhoudt

Miembro di CDA Karsten Klein a bishita Gobernador Boekhoudt

22
0
SHARE
- Advertisement -

ORANJESTAD (AAN): Lider di fraccion pa CDA den Municipio Den Haag, Karsten Klein compaña pa lider di partido AVP Mike Eman a haci un bishita cerca Gobernador Alfonso Boekhoudt. Klein tabata e orador invita pa hiba un discurso na Cumbre’18 di partido AVP.

Un cumbre cu tabata un exito grandi. Despues di nan bishita cerca Boekhoudt, Eman a splica cu e pensamento pa traha mas estrecho den Reino den cooperacion cu CDA tabata un di e topiconan cu a worde discuti cu Gobernador, ya cu esaki ta un instituto cu tin influencia con inverti pa crea un Reino mas fuerte. Con crea un miho relacion entre Aruba y Hulanda, apesar cu e islanan aki ta keda leu di Madre Patria.

Eman: “Cu CDA semper nos a experencia un desaroyo positivo den e cuadro aki.” Klein, un persona agradabel y simpatico a bisa cu e dos ultimo dianan el a hiba combersacionnan masha intenso cu Mike Eman, pero tambe cu coleganan di partido AVP. “Mi a haya un bista positivo di Aruba y e desaroyonan cu e isla a pasa aden den e ultimo añanan.”

Klein a sigui bisa cu e tereno cu e ta domina ta economia y despues di a bishita Corsou y Boneiro den pasado e mester bisa cu Aruba a haci un adelanto grandi  riba tereno di desaroyo economico. Un compliment grandi den direccion di Mike Eman. Klein: “Mi ta ta di opinion cu nos mester traha hunto den Reino y percura pa e relacion di cooperacion aki desemboca den un situacion win-win.” Klein un bes mas a accentua su entusiamo di por a papia na Cumbre’18 di AVP, unda el a keda asombra di e dinamismo cu a domina e cumbre.

Klein: “Mi ta sinti mi mes honra awe di a worde ricibi pa Gobernador Boekhoudt. Mi a splica gobernador cu mi ta masha impresiona cu e desaroyonan cu Aruba a pasa aden durante e ultimo añanan y di e vision di Mike Eman cu a worde cumpli cu ne. Esaki ta algo cu mi ta gusta masha hopi mes. Un hende mester hiba politica a base di un vision, no perde e vision aki for di bista y percura pa cumpli cu ne. Ta pesey mes cu mi por compronde cu partido y sigur Cumbre’18 a haci un apelacion fuerte riba Mike Eman pa keda como lider di partido AVP y sigui traha riba su visionnan y caba cu e trabao inmenso cu el a cuminsa cu ne.”

 

 

- Advertisement -

DUNA COMENTARIO

Please enter your comment!
Please enter your name here