Home Gobierno Minister Dangui Oduber a haci bishita na Stichting Ambiente Nobo

Minister Dangui Oduber a haci bishita na Stichting Ambiente Nobo

22
0
SHARE
- Advertisement -

ORANJESTAD (AAN): Diahuebs mainta Minister di Salubridad Publico Sr. Dangui Oduber tabata tin e placer di a bishita Stichting Ambiente Nobo na Santa Cruz. Minister a saluda tur e clientenan di Ambiente Nobo y tambe scucha e preocupacionnan di e personalnan y boluntarionan.

Stichting Ambiente Nobo a worde lanta pa Zuster Philothea cu a bay hulanda back na aña 2010. E meta di e stichting ta pa yuda hendenan cu tin un limitacion mental pa no keda cas, duna nan actividad pa haci pa asina mantenenan activo. Actividad ta zorg pa un mente sano, y ta preveni pa e salud mental bay atras. E clientenan ta varia entre edadnan di 18 pa 73 aña y actualmente ta conta cu un total di 36 cliente.

Despues di haya recorido di e stichting Minister Oduber a tuma nota di diferente aspectonan cu mester worde mehora. Esun mas primordial ta pa pone airco pa e clientenan como cu ta haci hopi calor. E gobierno aki ta pone e ser humano central y Stichting Ambiente Nobo lo por conta cu e sosten di gobierno segun e mandatario.

Finalmente e Minister kier a gradici tur e personal y boluntarionan cu tur dia ta duna di nan tempo liber pa haci obranan di caridad.

 

 

- Advertisement -

DUNA COMENTARIO

Please enter your comment!
Please enter your name here