Home General Minister Dangui Oduber ta anuncia un aumento remarcabel den e RevPar

Minister Dangui Oduber ta anuncia un aumento remarcabel den e RevPar

14
0
SHARE
- Advertisement -

ORANJESTAD (AAN): Minister Dangui Oduber ta anuncia un aumento remarcabel den e RevPar (Revenue Per Available Room) pa Aruba.  Te cu juli 2018 nos por mira un aumento di 12.7% compara cu e mesun temporada na 2017.

Di USD 219.71 RevPar a subi te na USD 247.51. E RevPar di Aruba ta e di 3 mas halto den Caribe despues di Turks & Caicos y St. Lucia. Esaki ta indica cu turistanan cu un capacidad halto pa gasta ta yegando Aruba. Na February 2018 Aruba a conoce un RevPar di USD 316.77 pues cifranan record pa Aruba.

Pa locual ta trata ocupacion di hotel por wak cu esaki ta na 88% te cu juli 2018 pues casi 9 di 10 camber ta wordo ocupa. Por mira tambe un aumento di 7.8% den bishitantenan cu pa prome biaha ta bishita nos destinacion. E grupo aki di “first timers” ta sumamente importante mirando cu nan lo ta e repeat visitors di futuro.

Pa locual ta trata “repeat visitors” por tuma nota cu bishita di e asina yama “baby boomers” a conose un aumento di 5.6% desde january te cu juli 2018 compara cu e mesun temporada na 2017 pues te cu juli 2018 102,416 persona di edad entre 54 y 74 aña a bishita Aruba. Esnan cu a bishita e Aruba entre 2 pa 5 bes te cu juli 2018 a aumenta cu 4.2% en comparacion cu e mesun temporada na aña 2017.

Aña 2018 ta demostrando di ta un aña record pa turismo di nos pais den tur sentido. Tur indicador ta demostra esaki. E aña record aki sigur lo traduci su mes den otro bon aña pa 2019. Minister Dangui Oduber ta sumamente satisfecho cu e resultado nan menciona. Turismo ta keda e motor tras di nos economia.

Turistanan di calidad cu un capacidad halto pa gasta ta yegando Aruba y esaki ta locual Minister di turismo Dangui Oduber a campaña cune y ta cumpliendo.

 

 

 

 

 

- Advertisement -

DUNA COMENTARIO

Please enter your comment!
Please enter your name here