Home General Minister ta haciendo su trabao y awor lo bay mira un cambio...

Minister ta haciendo su trabao y awor lo bay mira un cambio berdadero den locual ta procesamento di sushi na Aruba

79
0
SHARE
- Advertisement -

Diego de Cuba contento cu decision ta wordo ehecuta

ORANJESTAD  (AAN):  Sindicatonan a reuni cu Minister Otmar Oduber encuanto e tarifa pa recoge sushi. Diego de Cuba di Sindicato STA a duna di conoce cu e mandatario a duna un splicacion bastante amplio y nan ta contento cu esey.

El a agrega cu personalmente cu locual e ta mas contento cune ta ora ta cuminza ehecuta y implementa tur locual cu ta na bienestar di pais Aruba.

Parkietenbos no por keda manera cu e ta y locual minister a splica cu ta bay bin cu un incinerator, e ta bay costa placa, pero e no ta bay costa Aruba practicamente nada. E mesun hendenan cu ta bin instale mester zorg pa esey.

Segun de Cuba ta hopi importante pa compronde cu recogemento di sushi ta costa placa. E existencia di Serlimar ta depende di esey. Ta logico cu mester bay concientiza e pueblo riba e otro aspectonan manera reciclahe.

Locual e minister a trece dilanti tocante di e tarifa cu ta bay ta 25 florin, e ta kere cu tur hende na Aruba por biba cune y si tin hendenan cu no por biba cune semper tin caminda di cana. Tin Sociale Zaken y otro instancianan cu por canaliza e asunto aki, Diego de Cuba a expresa.

“Mi ta contento cu nos ta yegando e fase aki pasobra pa añanan largo. Mas cu 15 aña nos ta riba e cos aki y mi ta kere cu por fin nos ta mirando luz den horizonte, aunke tin biaha contra hendenan nan pensamento, contra nan kier cu nan tin, pero nos mester ehecuta. Nos no por keda papia tur dia aña aden aña afo anto nada no ta wordo haci”, e sindicalista a indica.

De Cuba ta kere cu ta riba un bon direccion. No solamente Serlimar ta den wega sino full e pais. STA ta representa mayoria di e trahadonan di Serlimar tambe y STA kier pa e compania keda existi.

Mester ta contento cu e decision aki ta wordo ehecuta. Ta traha leynan pero no ta ehecuta nan, a bisa. Den e caso di Minister Otmar Oduber, e ta haciendo su trabao y aworaki lo bay mira un cambio berdadero den locual ta procesamento di sushi aki na Aruba, Diego de Cuba a laga sa.

 

- Advertisement -

DUNA COMENTARIO

Please enter your comment!
Please enter your name here