Home General Ministro Ruiz-Maduro ta confirma cu control riba Supermarket ta sigui pa garantiza...

Ministro Ruiz-Maduro ta confirma cu control riba Supermarket ta sigui pa garantiza bon prijs y calidad

196
0
SHARE
- Advertisement -

ORANJESTAD (AAN): Confirmacion a drenta cu tur dia, Departamento di DEZHI ta haci su control na supermercadonan riba prijs máximo di productonan di canasta básico y mensualmente e control ta worde amplia cu Departamento di Salubridad Publico y Cuerpo Policial.

Diamars mainta e team di control forma pa Departamento Economico (DEZHI), Cuerpo Policial (KPA) y Departamento di Salubridad Publico (DVG) a haci varios control na diferente supermercado den Oranjestad y Dakota.

E control a tuma lugar riba prijs di productonan cu ta forma parti di e canasta basico., tambe a controla e parti higiëna y sanidad di e establecimientonan y si e lugar tin tur e permisonan necesario na ordo regla pa nan por opera. A constata cu un supermercado na Dakota, no tabata tin su papelnan na ordo, como tambe no tabata cumpli cu e exigencianan di sanidad.

E departamentonan concerni a tuma e decisión y a será e supermercado pa 48 ora, pa esnan encarga pone e supermercado den bon condición, cumpli cu sanidad y regla nan permisonan necesario.

Otro supermercado na Playa Pabao tambe a worde controla y varios productonan cu nan fecha a vence mester a worde saca y destrui y e doñonan a worde atendí seriamente pa autoridadnan, e control ta sigui y e establecimiento cu no cumpli lo ricibi sanción, como tambe pa garantisa cu e supermercadonan ta cumpli cu e prijsnan maximo stipula pa gobierno pa locual ta e productonan di canasta basico, pa tin na ordo y vigente e kaarchie berde, tin e lugar limpi y higienico y cu e permisonan di operacion ta na ordo.

E maneho di control ta continua di parti ministerio di Finansa, Asuntonan Economico y Cultura pa garantisa cu e consumidor ta worde ofreci productonan na bon prijs y calidad.

 

- Advertisement -

DUNA COMENTARIO

Please enter your comment!
Please enter your name here