Home General Motibonan pakico plastic ta malo pa nos medio ambiente

Motibonan pakico plastic ta malo pa nos medio ambiente

38
0
SHARE
- Advertisement -

ORANJESTAD (AAN): Na Aruba nos tin un ley cu ta prohibi uzo di saconan di plastic, consecuentemente gran parti di supermercado no ta ofrece saco di plastic mas. Articulonan ta worde poni den saco di papel, caha, of tas/saconan reusabel.

Recientemente Minister encarga cu medio ambiente a anuncia cu lo introduci entrante prome di januari 2019 prohibicion riba productonan categorisa como ‘single use plastics’ cual ta encera un grupo di articulonan di plastic cu ta uza 1 biaha.

Tin un rason tras di e lucha pa poco poco baha e cantidad plastic uza. Realidad ta cu e reduccion di cantidad di plastic cu ta uza mester ta un esfuerso continuo di tur hende, considerando con dañino e ta pa nos medio ambiente. E motibonan ta lo siguiente:

Ora cu nos benta algo afo manera papel, casca di fruta, matanan corta etc. Tin animalnan/criaturanan, bacteria entre otro cu ta come y convertie den otro producto of alimento pa naturalesa. E proceso aki of e productonan aki ta worde yama/considera ‘Biodegradable’

Non- Biodegradable ta materialnan manera glas, hero, plastic cu no por worde cambia den algo util pa naturalesa (nature friendly). E bacteria no por come e materialnan aki.

Plastic ta dañino como cu e no ta biodegradabel. Ora cu benta e plastic afo y e bay den naturalesa e ta haci e tera menos fertil. Ora cu plastic bay den nos awanan e por blokia e fluho y ta causa daño na bida marino. Si animal come plastic, e ta pega den nan stoma y ta haci nan malo. Pakico? Pa motibo cu e bacteria presente den stoma di animalnan no por kibra e plastic den pidanan mas chikito.

Companianan cu ta traha plastic mester produci gran cantidad di e articulonan aki tur dia pa motibo cu hende ta puntra pa nan. Den establecimentonan comercial, tienda y basicamente tur caminda. Nos por yuda e situacion aki door di uza mas cu ta posibel articulonan cu ya nos tin y pa nenga di uza productonan cu ta uza un biaha, door di haci uzo di alternativanan menos dañino na nos medio ambiente.

 

- Advertisement -

DUNA COMENTARIO

Please enter your comment!
Please enter your name here