Home General Na Augustus SVb a paga pension na 21.113 pensionado

Na Augustus SVb a paga pension na 21.113 pensionado

143
0
SHARE
- Advertisement -

E prome ocho lunanan e cantidad di pensionado a baha cu 317

ORANJESTAD (AAN): Embehecimento (vergrijzing) ta hunga un rol hopi importante pa SVb. Na Augustus nan a paga pensioen na 21.113 pensionado, di cual 19 mil ta biba na Aruba.

Esaki tabata na comienso di aña 21.430. E prome ocho lunanan e cantidad di pensionado a baha cu 317. Desde cu a bin cu e aumento di edad di pensioen, ta bay haya cu e prome mita di aña, e cantidad di pensionado ta bay baha, mirando cu no ta drentando pensionado den sistema, pero esnan cu ta fayece, ta saca afo.

Den e di dos mita di aña ta bay nota cu e cantidad di pensionado ta subi, mirando cu un grupo ta drenta pa cobra pensioen y cu ta mas hopi cu esnan cu ta sali for di sistema cu ta fayece. E ta crece mas of menos un 300 pa 400 pa aña. Ta drenta mas of menos 700 pa 800 pensionado pa aña y ta fayece entre 500 pa 600 pensionado pa aña ta fayeciendo.

E impacto di embehecimento door di e aumento gradual aki, ta wordo mitiga un poco, pero na 2025 ora cu e edad yega 65 y stabilisa eynan, e cantidad cu ta bay drenta, ta bay ta mas of menos un 1700 pa 1800 pensionado y e cantidad cu ta bay fayece cu ta premira ta mas of menos un 800 pa 900. E ta bay ta creciendo cu 1000 pensionado tur aña.

Ta pesey ta importante pa tin e reservanan pa esey. E cantidad di pensionadonan ta aumentando gradualmente entre 100 pa 200 pensionado pa aña. Esey ta loke cu SVb tin na e momentonan aki.

Pa loke ta trata garantia, ta hopi importante pa e comunidad ta conciente, cu segun articulo 27 di e ley di banco di seguro social, cu tur e fondonan cu SVb ta administra, ta wordo garantisa pa pais Aruba. Cualkier momento cu den cualkier di e fondonan aki no tin entrada pa cubri e gastonan, pais Aruba tin e obligacion pa percura pa e fondonan aki haya e placa. E mester sali for di e presupuesto general. Esey ta e garantia cu ta pone cu basicamente bo pensioen di biehes semper ta garantisa.

Loke si ta, cu gobierno nunca lo laga e fondo yega den tal situacion, pero semper lo atende cu esaki, pa evita di yega asina leu, segun Edwin Jacobs.

 

 

 

- Advertisement -

DUNA COMENTARIO

Please enter your comment!
Please enter your name here