Home General Na October lo celebra 20 aña di milagro di Aparicion na Koyari

Na October lo celebra 20 aña di milagro di Aparicion na Koyari

72
0
SHARE
- Advertisement -

 

ORANJESTAD (AAN): Dia 4 di October venidero, e grupo di oracion Catolico The Voice of Jesus ta participa cu lo bay celebra e di 20 aña di e milager di e aparicionnan di Hesus nos Amigo y Salbador y di La Birgen di Gracia di Aruba na Koyari.

Na aña 1998, dia 4 di oktober e prome milager di aparicion a sosode na Modansa 11-A na un senjora Valerie Perez-Simon. Na aña 2000 Cristo Hesus a scohe un tereno na Koyari y a bendiciona e tereno aki. E tempo ey e tereno a worde haci limpi y a traha un Kapel y a pone diferente imagennan di Santonan segun cu Cristo Hesus y Mama Maria tabata pidi. Tambe ariba e tereno tin un pos di awa di 25 pia hundo.

E pos di awa a worde bendiciona pa Cristo Hesus y a pone un pomp pa saka e awa. Tur 25 di luna, La Birgen di Gracia di Aruba ta aparece riba e tereno na Koyari publicamente. E mensahenan di Mama Maria y di Hesus ta pa Aruba y pa mundo henter.

Tambe Senjor Hesus y Mama Maria ta aparece cerca Vidente Valerie privadamente. Tin diferente Angelnan cu Senjor Hesus a pone riba e tereno na Koyari, pa cuida e lugar y tambe pa yuda Vidente Valerie den su mision. Tur diasabra anochi 8.00 tin oracion di Santo Rosario riba e tereno na Koyari. Tur hende por bin bishita e tereno na Koyari, pa oracion, pa medita, pa busca e awa milagrosa cu ta cura y lo bo sinti un pas total den bo curason.

E tereno na Koyari ta keda habri 24 ora pa dia y tambe lo bo sinti e presencianan di e Angelnan cu ta rond di bo. Te ainda clero Catolico no a reconoce e milager aki, pero e ta keda bau di observacion di clero. Den e 20 añanan cu a pasa, tabata tin hopi persiguicionan y contratiemponan di esnan cu no ta kere, pero mester comprende cu loke ta bini di Dios Tata, no por worde kibra y no por caba.

Pesey henter pueblo di Aruba ta cordialmente invita pa e celebracion grandi aki, cu lo tuma lugar dia 4 di Oktober proximo pa 8.00 di anochi ariba e tereno bendiciona na Koyari 13-B. Lo bay tin oracionnan, cantonan, brindis y hopi mas. E ruta ta, Bubali, San Miguel, Italo Arubano bay ariba of Bucaneer bay zuid, Italo Arubano bay pariba.

- Advertisement -

DUNA COMENTARIO

Please enter your comment!
Please enter your name here