Home General Oficina di Estadistica cu datonan interesante relaciona cu migracion na Aruba

Oficina di Estadistica cu datonan interesante relaciona cu migracion na Aruba

43
0
SHARE
- Advertisement -

Mayoria ta bin di Colombia, Republica Dominicana y Venezuela

ORANJESTAD (AAN): Durante e lunanan di october pa december 2016, Oficina Central di Estadistica (CBS) a tene un estudio bao di migrantenan na Aruba.

E estudio aki a carga e nomber “Aruba Migration and Integration Survey (AMIS)”. E meta di e estudio tabata pa obtene informacion tocante, entre otro, e caracteristicanan y e moda di biba di migrantenan na Aruba.

E estudio a dirigi su mes principalmente riba e grupo di migrante cu recientemente a yega Aruba, esta personanan cu a nace pafo di Aruba y a bin biba na Aruba den e ultimo dies añanan.

CBS a publica recientemente e prome articulo cu ta contene informacion cu a wordo colecta durante di e AMIS. E articulo aki ta obtenibel riba e website di CBS, www.cbs.aw. Akinan ta sigui un resumen cortico di e prome resultadonan.

Un total di 1,092 migrante recien di 14 aña of mas di edad, a wordo entrevista hunto cu e miembronan di nan hogar. Pa cada hogar un migrante principal a wordo identifica, cual ta e prome persona den e hogar cu a establece su mes na Aruba. Den total, 832 migrante principal a ser entrevista.

E resultadonan di e AMIS ta indica cu mayoria persona ta immigra directamente for di nan pais di nacemento, cu mayoria biaha ta paisnan Latino Americano, manera Colombia, Republica Dominicana y Venezuela.

E resultadonan tambe a indica ci un 77 porciento di migrante principal tin intencion di establece nan mes na Aruba, indicando como motibonan principal cu na Aruba nan tin un bon calidad di bida (nan gusta aki nan y nan famia ta biba aki nan) y un situacion economico faborabel (nan tin un bon trabao na Aruba).

En general, casi 3 di cada 4 migrante principal (74.5%), a indica di ta sinti nan mes mas contento awor cu nan ta biba na Aruba, compara cu prome cu nan a immigra. Den total, 90.4 porciento a bisa di ta satisfecho cu tur area di nan bida y e mayoria (81.6 porciento), a indica cu nan no ta sinti nan mes discrimina na Aruba. Sinembargo, mas o menos 34 porciento a indica cu stranheronan no ta wordo trata husto den e maneho implementa door di e gobierno di Aruba.

Tres den cada 4 migrante principal a indica cu nan tabatin sea familiar- of amigo ta biba na Aruba prome cu nan a bin biba akinan. Siete di cada 10 migrante principal a yega nan so y mas di 80 porciento no a trece ningun otro persona despues of tin e intencion di trece otro persona bin biba na Aruba.

Interesante ta cu apesar di e procedura usual di admision, mas o menos mitar di e grupo di migrante principal a indica cu nan a obtene nan permiso di residencia dentro di 1 pa 3 luna depues di ta na Aruba y 8.3 porciento di migrante principal a indica di tabata bibando ya caba mas di 1 aña na Aruba prome cu nan a obtene nan permiso di estadia.

 

- Advertisement -

DUNA COMENTARIO

Please enter your comment!
Please enter your name here