Home Gobierno Pa evita problema den cierto destinacion ta mihor apostiya carta di autorizacion

Pa evita problema den cierto destinacion ta mihor apostiya carta di autorizacion

81
0
SHARE
- Advertisement -

Ora un mayor so ta viaha cu yiu menor afo:

ORANJESTAD (AAN) – Den conferencia di prensa, Minister di Husticia mr. Andin Bikker, a bolbe duna un splicacion riba e proceso cu un mayor mester sigui ora e viaha cu un menor di edad unda e mester tin autorizacion firma y apostiya, pa mustra cu e otro mayor no tin obhecion.

E mandatario a indica cu semper tabata tin un maneho cu mester certifica den un carta firma pa ambos mayor, unda cu esun cu no ta viaha ta duna permiso pa e otro saca e yiu for di e pais.

Den tempo di vacacion cierto agencianan di viahe di nan banda ta recomenda e viaheronan pa apostiya e carta pasobra tin casonan cu e mayor por sali cu un carta pero ora e yega na e otro nacion, tin destinacionnan cu de bez en cuando ta puntra con nan por sa cu e persona cu a firma e carta ta esun cu ta bisa ken e ta.

Apostiya ta e tramite cu ta certifica cu esun cu a firma e carta ta e persona concerni. E mandatario a indica cu esaki ta facultativo na opcion di e viahero. No ta algo cu e gobierno aki a introduci, pero ta un maneho cu tin caba.

E dignatario a agrega cu si no tin un tipo di procedure, por ripiti casonan manera a yega di sosode, cu un persona cu ta den discordia cu su pareha ta bay establece su mes den exterior cu e yiu y gobierno ta haya e observacion cu pakico no a controla e frontera prome cu e mayor cu e yiu a sali for di Aruba.

Di otro banda, por agrega tambe cu por sosode cu na un otro pais, ta pidi e documento unda ta informa di e permiso pa e menor di edad por viaha cu e mayor cu cual e ta den e viahe.

Den tur caso, e ta recomendable pa evita problema.

- Advertisement -

DUNA COMENTARIO

Please enter your comment!
Please enter your name here