Home Gobierno Pa prome biaha Gobierno ta responsabiliza su mes den e prome 6...

Pa prome biaha Gobierno ta responsabiliza su mes den e prome 6 lunanan na Parlamento

84
0
SHARE
- Advertisement -

Dunando bista riba vision, meta y plannan pa futuro

ORANJESTAD (AAN): Durante di discurso di Minister di Infrastructura y Medio Ambiente Otmar Oduber durante e primera tanda, a elabora riba e hecho cu Gobierno ta cumpliendo cu peticion di Parlamento den un mocion dia 20 di april 2018, pa sigui duna informacion di e maneho financiero di e prome mita di aña.

‘Den mi carera politico di un poco mas cu 20 aña, e ta e prome biaha cu ta haya cu e sala tin e oportunidad y responsabilidad di ambos banda di por hustifica na comunidad di Aruba kico Gobierno a haci cu fondonan publico, con a atende cu proyectonan, con a ehecuta y duna un bista/relato di e trabao cu a compromete cu e comunidad di Aruba pa bay haci na un forma responsabel.’

E situacion cu Gobierno a haya no ta facil, al contrario e Gobierno aki mester a haci diferente ‘inhaalmanoeuvre’ pa loke ta trata e situacion financiero di e Pais aki caminda cu a detecta mas di 100 miyon di deficit di e Gobierno cu a dispidi na September mediante eleccion.

Minister Oduber a splica cu e reto a encera cu durante di e prome simannan cu e Gabinete aki a asumi pa responde pa e gastonan cu ya caba a worde haci door di Gobierno anterior sin a prepara pa tin un presupuesto supletorio. Un responsabilidad cu mester a carga den un poco menos cu 7 siman di tempo di gastonan di 2017.

Ora cu a cuminsa traha riba presupuesto 2018, tabata sa cu e situacion cu a worde laga ya no tabata manera cu e Gobierno saliente a pinte, sino cu realidad decisionnan hopi serio mester a worde tuma. Decisionnan cu no ta tur biaha ta facil, Minster Oduber a enfatisa! Cual ta netamente parti di locual ta representa bon gobernacion. Sinembargo, manteniendo e ser humano central pa percura cu e generacionnan cu ta bin por tin un mihor futuro riba nos isla. ‘Goberna ta encera responsabilisa bo mes. Awe nos tin 8 minister cla pa responsabilisa pa e maneho cu nan a hiba den e prome periodo di gobernaciona aki. Den e lunanan di gobernacion tras di lomba por mira diferente proyecto cu a worde realisa cu e meta ‘Ser humano central’, Minister Oduber a pone enfasis riba algun di e proyectonan aki cual ta e hecho cu den 8 aña no a mira cas social worde traha. Gobierno actual den menos di 9 luna a anuncia cu pa otro luna lo traha e ultimo 200 casnan social pa e aña aki. Tambe ya a aloca fondo, tereno y tin plannan cla pa e siguiente 200 casnan pa otro aña. A firma MoU (Memorandum of Understanding) cu FCCA despues di 8 aña y conhuntamente cu Minister di Asuntonan Social lo determina e prioridad di esnan cu tin mas necesidad di cas. Varios school a cera pa falta di vision y capacidad pa atende cu esaki y (esaki ta conta tambe pa e diferente edificionan di Gobierno cu tin bandona), den e dianan nos dilanti lo bin parlamento pa papia riba con na un forma creativo, eficaz y eficiente lo percura pa habri e schoolnan aki back mas pronto cu ta posibel. Pa locual ta e aspecto infrastrutural, Minister Oduber a trece dilanti e hecho cu fondo a worde aloca pa drecha camindanan di santo den diferente bario rond Aruba, poniendo e ser humano y calidad di bida central. ‘Maneho di infrastructura awor ta bay ‘man den man’ cu maneho di medio ambiente, pa crea e balansa cu mester existi na bienestar general.’

 

- Advertisement -

DUNA COMENTARIO

Please enter your comment!
Please enter your name here