Home General Pa un dia Ling & Sons lo test bendemento di cuminda cu...

Pa un dia Ling & Sons lo test bendemento di cuminda cu take-away box eco-friendly

213
0
SHARE
- Advertisement -

ORANJESTAD (AAN): Riba Diabierna dia 14 di September, y pa un solo dia, Ling & Sons IGA Supercenter, e supermercado mas grandi di Aruba lo tin un dia di test na unda e supermercado lo cambia su take away box di cuminda foam pa un alternativa eco-friendly (biodegradable).

Esaki pa asina clientenan test esaki i comparti cu e supermercado con nan ta experiencia e eco-friendly box I kico nan opinion ta acerca di e cambio di foam pa eco-friendly.

E supermercado kier haci e cambio di foam pa uno cu no ta afecta nos medio ambiente. Prome cu bay over na haci esaki, Ling & Sons kier sigura di purba prome diferente opcion biodegradabel. Pa e motibo aki Ling & Sons ta pidi tur su clientenan pa pasa na e area di cuminda take away e Diabierna aki, busca nan cuminda i test e eco-friendly take away box.

No lubida di comparti bo opinion y experiencia cu e team di Ling & Sons. Ling & Sons lo tin su team na e area di cuminda na unda bo por laga bo feedback atras of tambe por haci esaki ariba e facebook page di Ling & Sons.

Ling & Sons ta sigur cu hunto nos tur por yega na un opcion cu ta mas responsabel pa nos medio ambiente I asina cuida nos dushi Isla.

 

 

- Advertisement -

DUNA COMENTARIO

Please enter your comment!
Please enter your name here