Home General Pida pa pida lo traha riba e diferente departamentonan di ImSan

Pida pa pida lo traha riba e diferente departamentonan di ImSan

43
0
SHARE
- Advertisement -

te ora e keda cla den su totalidad

ORANJESTAD(AAN): For di dia 2 di Juli, e actividadnan di construccion pa e renobacion y expansion di ImSan a cuminsa berdaderamente. Den e dianan ey a cuminsa prepara e tereno, a cuminsa pone e containernan pa trabao pa e trahadonan. Esey tambe a tuma algun dia pa siman pa nan por a completa esey, segun director di ImSan dr. Joel Rajnherc.

E proyecto di ImSan ta consisti di renobacion di algun departamento cu ta existi caba y cu ta funciona. Kiermen cu e tarea pa sigui brinda e servicionan pa e pashentnan, mester continua durante un periodo basta largo di construccion.

Por ehempel e departamento di specialista di wowo. Ora ImSan a wordo construi algun aña pasa, mas of menos un 20 aña. E ideanan no tabata special dirigi riba e departamento ey, pa funciona como un departamento di specialista di wowo.

Awo, despues di tanto aña, ta bay haya na October, un di tres specialista di wowo, trahando den servicio di ImSan. Esey ta nifica cu mester modernisa y optimalisa henter e departamento ey. Hopi ekipo nobo a wordo desaroya pa tratamento di wowo. Specialista nobo cu ta bin, ta rekeri mas luga, mas ekipo. Tur esey ta bay realisa den e periodo cu ta biniendo, cu ta bay dura aproximadamente en total di 18 luna.

No solamente tin renobacion. Tin tambe departamentonan cu a wordo inicialisa, pero nunc a wordo completa. Esey ta por ehempel departamento di sterilisacion di instrumentonan cu ta usa pa cirugia. Esey ta un di e prome departamentonan cu ta bay caba y cu ta bay ta cla. Ta spera prome cu fin di aña caba y lo por ta den funcion.

Di dos ta un departamento grandi cu ya a wordo inicialisa parcialmente, pero nunca a wordo caba, cu ta e departamento di cirugia. Ta trahando riba un sala di espera, pero tambe e sala di pre-operativo y post-operativo, unda lo bay tin luga pa cinco pashent specialisa pa wowo y dies cama post operativo pa pashent pa cirugia en general.

Kiermen e capacidad ta bay ta basta grandi cu ta bay aumenta e capacidad di cirugia pa Aruba. Dos sala di operacion pa cirugia general, manera ortopedia, pijnbestrijding of neurochirurgie. Tur eseynan ta bay ta posibel den dagbehandeling (tratamento durante dia). Y ta bay tin un di tres sala di operacion cu ta specialisa pa wowo.

E di tres oftamologo cu a trece for di exterior, ta bay ta un specialista di retina y ta spera cu hopi di e pashentnan cu ta mandando afo awo pa Colombia pa tratamento di nan retina, vooral hopi cu tin cu bay di emergencia tambe, no tin cu bay den futuro mas afo tampoco. Mas y mas ta tratando di busca specialistanan cu por mantene nos pashentnan aki na Aruba y baha e cantidad di pashent cu ta manda afo.

Pesey tambe un di e facilidadnan cu ta bay crea di nobo cu no ta existi ainda riba henter Aruba, ta e departamento di radioterapia. P’esey ta bay traha e bunker y pone un mashin nobo nobo den e bunker pa trata pashentnan cu tin cu bay afo pa bestraling. Esey ta encera cu mester traha henter un departamento di radioterapia. Kiermen salanan unda dokter ta wak e pashent, salanan di overleg, salanan di converencia, pero tambe salanan di conferencia mundialmente, cu por ehempel Baptist Health South Florida, pero tambe cu Erasmus na Hulanda.

Tur esey mester ta optimalisa y di calidad halto pa por haya un JCI Acreditacion cu ta buscando pa demostra cu ta duna e cuido di un servicio masha halto pa obtene un acreditacion asina.

Tambe otro departamento cu ta duna servicio mester wordo optimalisa, modernisa cu ekipo nobo. Ta papiando por ehempel di departamento di Radiologia. Ta papiando di departamento di Spoed Eisende Hulp. Tur eseynan ta bin den fase. Henter e proyecto lo bay dura aproximadamente 18 luna, manera ta conoci.

Pida pa pida luganan ta bin cla y ta pone nan den funcion, manera cu nan ta cla. Henter e sistema di fireprotection, henter e sistema di alarma. Tur eseynan ta bay wordo instala nobo y ta optimalisa pa e temporada cu nos ta bibando aden.

 

- Advertisement -

DUNA COMENTARIO

Please enter your comment!
Please enter your name here