Home Policial Polis a los tiro dirigi ora a manda auto riba nan

Polis a los tiro dirigi ora a manda auto riba nan

185
0
SHARE
- Advertisement -

A detene Jeandro Angela y ta buscando Shawn Kock di Casibari

ORANJESTAD(AAN): Polis a tira riba un Tercel color shinishi cu e sospechoso Shawn Kock tabata aden. Polis tabata sa cu e ta sinta den e auto. Ora cu Team di Aresto a bay pa para e auto, e chauffeur hoben aki y peligroso alavez a manda e auto riba e agentenan.

Mesora Polis a haya nan obliga di los tiro dirigi. Varios tiro a cay y tin cu a perfora e auto Tercel cu no tabata tin number riba dje.

Ya pa algun dia ta buscando e dos rumannan.  Cada uno tin un nomber diferente.

Aki ta trata di Jeandro Angela cu awor ta cera algun dia despues cu a drenta buske den Casibari. Asina mes Shawn Kock ainda no por wordo haya.

Tin ordo di detencion di parti di fiscal. Nan ta wordo busca pa menaza cu morto, intento di asesinato y tambe tiramento. Nan ta vuurwapengevaarlijk. Mientrastanto awor tin Jeandro Angela paden y falta Shawn Kock.

Shawn Kock a scapa diabierna anochi despues cu a manda e auto Tercel riba Polis. Na un cas na Casibari a sconde e auto. E cas ta masha cerca unda e ta biba. Djey el a sali core cu mas hende y somenta. E Tercel a keda confisca despues di un investigacion na e cas unda a topa cu e auto.

Ta dos caminda autoridad a haci investigacion. Na Casibari banda di Rock Formation unda Polis a tira riba e Tercel. A cera e area pa asina e cartuchonan wordo busca y investigacion por a wordo completa.

Tambe a bay na e cas unda autoridad a tuma basta tempo den e investigacion. Cualkier momento por spera e detencion di Shawn Kock. Si bo sa di su paradero por yama tipline di Polis y keda anonimo. Number ta 11141.

 

- Advertisement -

DUNA COMENTARIO

Please enter your comment!
Please enter your name here