Home Policial Polis di Motor Unit herida den accident na Boegoeroei

Polis di Motor Unit herida den accident na Boegoeroei

214
0
SHARE
- Advertisement -

ORANJESTAD (AAN): Diaranzon mainta un accident a keda registra riba e recien asfalta caminda di Noord pa Boegoeroei.

Un GMC Pickup color cora cu tabata bayendo direccion Playa, un tiki panort di Fermin’s a bay bira na su man robez.  E chauffeur a bisa cu el a check den e spiel y no a mira trafico su tras.

Kizas e no a check e spiel pafo bon, pasobra net e momento ey un Polis di Motorunit tabata pasando.

Nan dos a dal den otro, y na final e Polis riba e Harley Davidson a bay tera.  E agente policial a sufri hopi dolor na tur dos pia.

Mesora Polis y Ambulans a yega na e lugar pa atende e accident.  Tanto e Polis di brommer, y e chauffeur di e Pickup a wordo controla.  Na final Paramediconan a dicidi na transporta e Polis rumbo pa Servicio di Emergencia na Hospital.

Como cu ta trata di un accident unda Polis ta envolvi, mester a yama e Specialista di Trafico pa asina check e situacion.  A bin descubri cu e chauffeur di e Pickup no tin su papelnan na ordo, pues por lo pronto e no por maneha e vehiculo.

 

- Advertisement -

DUNA COMENTARIO

Please enter your comment!
Please enter your name here