Home Gobierno Premier Evelyn Wever-Croes a bay celebra Dia di Bonaire

Premier Evelyn Wever-Croes a bay celebra Dia di Bonaire

8
0
SHARE
- Advertisement -

ORANJESTAD (AAN): Estrechando lasonan entre islanan ruman, Aruba y Boneiro, Prome minister Evelyn Wever Croes ta na Bonaire pa asisti na e celebracion di Dia Nacional di Boneiro. Prome Minister a worde invita pa atende e celebracionnan di Dia Nacional di Boneiro. E mandatario a biaha diaranson atardi y lo ta back diahuebs atardi despues di e celebracion protocular y cultural.

Diaranson anochi tawatin un recepcion hopi ameno na cas di Gezaghebber di Boneiro señor Edison Rijna. Presente na e recepcion tabata dignatarionan di Boneiro, Saba y Hulanda. Prome Minister a duna uzo di e oportunidad aki pa estrecha laso cu demas representantenan presente y entercambia ideanan pa considera unda cada pais por yuda otro.

Prome Minister a expresa cu Aruba ta desaroyando un industria turistico hopi bon. Banda di esaki Aruba ta profilando riba e caminda di innovacion. Al igual cu Aruba, Boneiro tambe ta profilando riba un otro tereno turistico. Como parti di BES, Boneiro ta dispone di fondonan pa inverti den su comunidad riba e tereno aki. Den esaki, Aruba y Boneiro, mester haya un luga en comun pa asina yuda e pueblonan di tanto Boneiro y di Aruba pa desaroya como tambe pa progreso y bienestar pa cada pais.

Representantenan di Gobierno di Boneiro a keda hopi contento cu e presencia di Prome Minister Evelyn Wever-Croes kende ta mustra cu di berdad e relacion entre Aruba y Boneiro ta un relacion hopi importante pa Aruba tambe.

 

- Advertisement -

DUNA COMENTARIO

Please enter your comment!
Please enter your name here