Home Gobierno Presion di tur banda a bin riba Minister Presidente tocante prijs di...

Presion di tur banda a bin riba Minister Presidente tocante prijs di awa y coriente

65
0
SHARE
- Advertisement -

ORANJESTAD (AAN) – Den conferencia di prensa di gobierno Dialuna, diferente pregunta a wordo haci na Prome Minister  mr. Evelyn Wever-Croes, relaciona cu e asunto di prijs di awa y coriente.

Manera DIARIO a publica, e dignatario a declara cu pa aworaki e prijs pa e consumidor no ta bay baha ni subi.

Dilanti un serie di pregunta di prensa, e mandatario a comenta cu den curso di siman pasa el a haya presion di tur banda. El a haya opinion cu e tin cu laga hisa prijs, y su contesta ta cu e ta gobierno y cu e no ta traha riba presion, pasobra e no ta yude.

E dignatario a indica cu el a pidi cifra, calculacion, pa cambia e modelo y baha gasto sin nodi hisa e tarifa.

Den fin di siman e mandatario tabata tin combersacion cu e raad van utilities, y nan a confirma su persona cu nan tin informacion di WEB, y el a confirma cu WEB tambe, cu aworaki, por lo pronto no ta papiando di aumento di tarifa di awe y coriente.

El a bin compronde tambe cu e oponentenan politico kier bruha tera, subi caya, pa e motibo aki, pero ora el a bay averigua cerca e fuentenan mes, nan a bise cu no ta bay tin aumento den prijs.

E ta haya cu ta importante pa e sindicato di WEB papia cu e directiva di WEB cu sa riba e tema aki. E mandatario a declara cu e ta hopi contento y satisfecho cu el a wordo informa cu por lo pronto no ta bay tin e dolor di cabes ey, locual ta trece alivio y trankilidad.

 

- Advertisement -

DUNA COMENTARIO

Please enter your comment!
Please enter your name here