Home General Proceso pa renoba Zorgpas di AZV ta bayendo bon

Proceso pa renoba Zorgpas di AZV ta bayendo bon

24
0
SHARE
- Advertisement -

ORANJESTAD (AAN): Tur cos ta mustra cu publico ta haci nan best pa asina renoba nan Zorgpas di AZV.

E aña aki atrobe, e proceso aki ta uno satisfactorio. AZV a purba diferente momentonan pa recorda e aseguradonan pa renobacion di nan zorgpas. Tin dos grupo grandi entre e aseguradonan.

Señora Solange Tchong, vocero di AZV a mustra cu tin grupo di hendenan cu aworaki tin un carchi di 10 aña. Pero tambe nan ta bezig cu esey ainda. Banda di esey AZV tin e aseguradonan di AZV cu ta renoba a base di permiso di estadia. Si bay na cifra, tabata tin den e periodo te cu luna di augustus, dus e prome kwartaal di aña. Tin 31.775 servicio cu a worde duna, di cual ora cu bay wak con esaki ta distribui ariba nan oficinanan, por wak cu AZV Oranjestad/Camacuri a atende 21.072 servicio.

Na San Nicolas, ImSan tabata tin 6108 servicio duna y Noord 4595 servicio duna. Esaki ta un total di 31.775 servicio duna.

Cada asegurado cu yega AZV na momento cu e bin pa renobacion of pa un mutacion, e momento e sistema mes ta registra e cantidad di servicionan duna. SI wak tambe ki tipo di servicionan, esakinan tabata ta. E ora ta cay back ariba e mesun topico, cu ta p.e. E lunanan specifico, unda cu tin extra servicio pa clientenan di AZV, cu ta maart – april, y september- october, cu ta e lunanan di cambio di dokter.

Den e lunanan aki tin mas hopi servicio na cliente. Aki ta wak e cifra, cu p.e. Renobacion di Zorgpas 12320 persona a renoba nan zorgpas. Pa AZV e ta algo positivo, y cada aña nan ta sigui mehora nan servicio. Pero nan ta purba cada aña pa duna mas informacion, pa haci e asegurado consciente di importancia di toch tin nan carchi di AZV na ordo.

Señora Tchong ta enfatiza cu ta importante pa e hendenan cana cu nan zorgpas, pa ora cu mester di cuido medico, vooral den caso di malesanan inespera. Si wak e cantidad di servicio, mas di 21 mil servicio, si compar’e cu añanan anterior e ta basta bon. Nan a yega di cera aña cu riba 50 mil servicio duna.

Mester corda cu e carchi di AZV no ta un medio di identificacion. E carchi a worde traha pa comproba cu bo ta un asegurado di AZV y cu bo tin derecho ariba cuido medico na Aruba. P’esey a bin cu e carchi manera cu e ta awo. E tin tur e caracteristicanan cu e tin ariba dje. Por bisa cu danki na tur e esfuerso, AZV su directiva y su empleadonan, awe tur hende tin un carchi hopi safe y no a worde falsifica hopi.

Recientemente, AzV a tuma nota di un publicacion caminda cu trahadonan a purba di pasa cu carchi falsifica, pero rapidamente Cuerpo Policial mes a haya e carchinan den nan mas, ya cu nan por a wak mesora cu tabata uzando p.e. Un color di texto ariba dje, of color di numbernan cu no ta esun usual cu ta worde uza door di AZV.

AZV tambe a haya algun caso, no hopi, pero esaki a worde denuncia na polis caba den pasado. P’esey nan ta keda monitor e carchi debidamente. E carchi no ta uno facil pa scam, y tambe ariba esey a bin cu’n werkportaal. Tur loke un dokter di cas, specialista, secretaria, nan tin e forma pa wak ariba e werkportaal, na e momento ey si e persona nan dilanti para, ta e persona enberdad cu tin derecho ariba e servicio.

Como AZV nan a instituti mas forma cu nan por haci cu e sistema ta keda uno safe y cu ta purba limita mas hopi cu ta posibel e falsificacion di e zorgpas of maluzo di AZV, segun Señora Solange Tchong, vocero di AZV.

 

- Advertisement -

DUNA COMENTARIO

Please enter your comment!
Please enter your name here