Home Gobierno Prome cu fin di aña KPA por conta cu su propio radar...

Prome cu fin di aña KPA por conta cu su propio radar y su helicopter

42
0
SHARE
- Advertisement -

Minister di Husticia mr. Bikker:

ORANJESTAD (AAN) – Dialuna, den conferencia di prensa di Gobierno, Minister di Husticia mr. Andin Bikker a referi na e necesidad pa Aruba tin su propio radar y su helicopter, y esaki ta birando cada bez mas evidente.

Esaki tabata su prome punto di agenda den e rueda di prensa aki. E mandatario a splica cu e fluho di personanan cu ta drenta Aruba via nos costanan sin cu nan ta invita, pues ilegalmente, ta birando preocupante y mas ainda mirando e situacion di nos pais ruman Venezuela.

E mandatario a reitera cu e plan di gobernacion a pone como prioridad pa bin cu un helicopter y un radar pa nos Cuerpo Policial (KPA).

El a menciona cu tabata tin cierto resistencia di parti di opositornan politico, y aworaki den Parlamento a haya e pregunta di nan mes, ta ki dia e radar y helicopter ta bin.

E mandatario a bolbe señala un fout cu gobierno anterior a haci di elimina e radar y helicopter di nos sistema di seguridad, y ora a tuma nota di declaracionnan di Comandante di Kustwacht e mes ta indica cu tur ayudo cu ta posible pa haya, ta bon bini.

El a indica tambe cu e wire radar detector di Kustwacht ta duna cierto indicacionnan, y ta un hecho cu si Aruba mes tin su propio helicopter y su radar pa KPA y por traha conhuntamente cu Kustwacht, esaki ta di aplaudi.

Esaki ta indica cu e proceso aki, cu a wordo poni den e plan di gobernacion, ta algo visionario y awor hasta e opositornan politico reconoce esaki door di e propio circumstancianan cu ta pasando aworaki y eventualidad door di e situacion cu tin na Venezuela, ta subraya cu e necesidad di introduci e radar y helicopter mas pronto posible, ta hopi grandi.

E mandatario a agrega cu Diabierna ultimo tabata tin un mainta di informacion den e Centro di Husticia na Macuarima, unda cu gran cantidad di ciudadano a acudi pa haya informacion tocante e destaho publico ta andando. Minister Bikker ta spera cu na comienzo di October por finaliza e proceso aki, y un par di siman despues lo por tin e servicio di helicopter pa KPA. Encuanto e radar, gobierno tambe ta bezig cu e proceso concerni y e ta spera cu prome cu fin di aña KPA tambe por conta cu su radar.

- Advertisement -

DUNA COMENTARIO

Please enter your comment!
Please enter your name here