Home Gobierno Prome Minister cu resumen di pasonan di gobierno cu lo conduci na...

Prome Minister cu resumen di pasonan di gobierno cu lo conduci na reforma fiscal

64
0
SHARE
- Advertisement -

ORANJESTAD (AAN) – Prome Minister mr. Evelyn Wever-Croes a elabora riba dos punto di agenda, den conferencia di prensa Dialuna: 1. E tema di reforma fiscal y . E tema di Integridad.

E dama a splica kico ta e desaroyonan cu tin andando den ambos aspecto.

RESUMEN:

E mandatario a referi varios biaha caba tocante e trabao cu gobierno ta haciendo pa cambia e sistema di belasting den nos pais. Aki un resumen cu el a duna Dialuna.

El a reitera cu for di momento cu gobierno a introduci e crisis heffing nan a bisa cu esaki ta temporal y cu lo bin un cambio substancial den e sistema di belasting, pa trece alivio bek.

Tambe e dignatario a remarca cu desde cu nan a drenta den gobierno, fin di November aña pasa, a topa cu sorpresanan financiero grandi, retonan enorme y a bin constata cu e deficit cu tabata premira pa aña pasa di 25 miyon florin, lo no por a wordo logra at all y cu nan a yega na un deficit di riba 150 miyon.

Despues, e aña aki, cu e presupuesto mester tabata entrega caba ora cu e gobierno nobo a sinta, no tabata tin esey y e surplus cu mester a yega na dje di 25 miyon, a bin resulta cu riba papel tabata tin un deficit di como 275 miyon florin, haciendo e buraco financiero na 300 miyon.

Cu esaki den man, gobierno a tuma algun paso. Minister Presidente a reitera e pasonan cu a tuma pa baha gastonan di cada minister, entre otro e cantidad di persona den servicio, y asina a logra baha 20 miyon florin riba e presupuesto.

A baha e gastonan di e aparato gubernamental, y tambe a atende cu e gastonan di personal, y a traha un plan cu siete punto den dje.

Un biaha mas Prome Minister a desmenti cu lo kita 600 trahador di gobierno, manera a wordo publica den prensa na Papiamento y lamentablemente, tambe den un medio Hulandes.

Mas ainda, gobierno ta haciendo tur locual por pa evita di kita hende for di trabao. A bin cu e tema di vut pa cual tin un interes grandi, segun e mandatario a subraya; ta atendiendo cu e asunto di overtolligheidspool y tambe ta mirando e promocionnan cu ta wordo duna, pa esnan cu merece a base di un “performance management”, kiermen e empleado cu ta cumpli cu su tareanan; tambe contratonan cu no ta wordo prolonga mas, y ademas a pidi e companianan estatal pa mara faha, ta solidario y baha gasto y ohala genera mas entrada y e ganashi por wordo paga despues na dividendo.

Prome Minister a agrega cu e di cuater paso ta e cambio den e sistema di belasting y ta bay wak unda e buraconan den nos leynan ta.

Por ehemplo e placa cu sali bay den exterior sin paga belasting riba dje na Aruba, y lo cobra e placa cu ta riba caya ainda.

Esaki ta e pasonan cu a tuma prome cu bin na e crisis heffing temporal y inmediatamente a cuminza traha riba esaki, Minister Presidente a reitera.

 

 

 

- Advertisement -

DUNA COMENTARIO

Please enter your comment!
Please enter your name here