Home Gobierno Pronto lo drecha e caminda di Seroe Pita y lo soluciona problema...

Pronto lo drecha e caminda di Seroe Pita y lo soluciona problema di cruzada peligroso

27
0
SHARE
- Advertisement -

Minister Otmar Oduber:

ORANJESTAD (AAN) – Den conferencia di prensa di gobierno, Dialuna, Minister Otmar Oduber den su calidad di titular di Infrastructura, contestando un pregunta a duna informacion relaciona cu e cruzada hopi peligroso cu tin den area di Paradera, entre Tamarijn y Seroe Pita.

Den e cruzada aki varios accidente a tuma lugar caba pasobra e automobilista no tin bista den e subida ken ta biniendo den direccion contrario, y no tin señal di trafico tampoco, no tin rotonde ni polis drumi pa evita problema ora tin chofer ta bin cu velocidad halto.

Incluso un di e miembronan di prensa a haya su mes na peligro di accidente na Maart ultimo y a haci un reportahe tocante e situacion, DOW a wordo poni na haltura, pero te awe no tabata tin informacion kico lo haci pa baha e peligro aki.

Minister Otmar Oduber a confirma cu enberdad pa hopi aña e cruzada aki ta pidiendo atencion di comunidad.

E dignatario a informa cu dos pa tres siman pasa gobierno a bay den un destaho publico, pa loke ta trata henter e caminda di Seroe Pita te yega na e cruzada menciona, cu esey so ta causa accidente si core cu un tiki velocidad y e caminda ta hopi malo.

Mester inverti casi 700 mil florin pa por drecha e pida caminda y esey ta encera tambe cu lo atende cu e cruzada peligroso aki, sea via drempelnan di velocidad cu ta wordo utiliza diferente otro caminda, pero tambe door di señalamentonan cu por yuda den e proceso aki.

E mandatario a subraya cu e tin atencion riba e situacion pero solamente cu no a pensa cu ta efectivo pa pone drempel awor, sin drecha e caminda, pero apenas esaki keda cla lo atende cu e cruzada.

- Advertisement -

DUNA COMENTARIO

Please enter your comment!
Please enter your name here