Home Salud Quota International of Aruba ta anuncia su “Neon Family Fun Walk”

Quota International of Aruba ta anuncia su “Neon Family Fun Walk”

55
0
SHARE
- Advertisement -

Y ta inicia su “shatter silence week”

ORANJESTAD  (AAN):  E aña aki QUOTA lo start sali cu su SIMAN DI KIBRA SILENCIO anual cu un grandioso caminata. NEON FAMILY FUN WALK! Esaki lo tuma lugar diasabra dia 15 di september 2018, di 8’or pa 9’or di anochi.

Pa 7’or lo tin registracion. E ruta di e Neon Family Fun Walk lo ta di Bushiribana pa Natural Bridge y bin bek Bushiribana.

Lo tin premionan atractivo pa T-shirts mihor decora pa ocasion di 100 aña di QUOTA INTERNATIONAL, INC.

Ya pa 30 aña caba QUOTA International of Aruba ta organisa su Siman di Kibra Silencio, unda ta pone atencion na concientisacion pa proteccion di oido.

QUOTA su SHATTER SILENCE WEEK lo cuminsa dialuna 17 di september te cu diabierna 21 di september, 2018. E aña aki atrobe lo tin oportunidad pa hasi test di bo oido gratis na e lugarnan di semper. Traha bo afspraak liher pa hasi bo test di oido.

Por yama e siguiente instancianan pa hasi bo afspraak pa test bo oido gratis:

SVB San Nicolas, Bernhardstraat 67-C, San Nicolaas, Tel: 527.2732;

FEPO, Engelandstraat 15, Oranjestad, Tel: 583.1016;

Optica Oduber & Kan, Caya G. F. Betico Croes 222, Tel: 582.4719.

Quota International of Aruba ta existi ya pa 31 aña na Aruba dunando servicio y consientisacion na e importancia di Cuido di bo Oido. QUOTA International of Aruba ta un club di damas di nos comunidad cu ta profesionalnan, ehecutivo y doñonan di nan propio negoshi.  Hunto nan ta traha ariba proyectonan pa asisti otro instancianan di nos comunidad y asina logra hasi bida di nos conciudadanonan mas mihor.

Internacionalmente QUOTA International, Inc., e organisacion madre di cual Aruba ta miembro, lo cumpli 100 aña dia 6 di Februari 2019. Ya celebracionan di e aniversario aki a cuminsa mundialmente e aña aki.

- Advertisement -

DUNA COMENTARIO

Please enter your comment!
Please enter your name here