Home General Razzia inespera na Cumana a produci detencion di pareha di habla hispano

Razzia inespera na Cumana a produci detencion di pareha di habla hispano

751
0
SHARE
- Advertisement -

ORANJESTAD (AAN): Pa varios siman caba, autoridad hudicial na Aruba ta trahando fervientemente riba un investigacion cu tin embergadura grandi.  E tabata encera supuesto caso di atraco, hunto cu traficacion di droga.

Di e forma ey a logra di yega na un adres unda e cabezantenan ta biba.  Pesey lo a vigila y monitor e cas, e area, y e habitantenan pa algun tempo pa asina dicidi ki ora ta bay tene un accion y gara nan.

E momento ey a yega Diaranzon madruga.  Despues di a tene un reunion, y plan di accion, un cantidad di oficialnan bon arma a subi caya.

Ta trata aki di e conocido Atraco-Team, cu a subi caya hunto cu Arrestatie-Team, tambe Flex-Team, K9-Units, Departamento di BFO, y tambe Departamento di BFTO.

Nan a acudi na un cas na Cumana, unda den silencio a rondona e cas pa asina sigura cu ningun hende por huy di parti patras.

Asina na un forma sorprendente a tene e Razzia, spantando e habitantenan y lanta nan for di soño.

Vocero Policial a confirma cu un pareha latino a keda deteni.

Ora di a haci un buskeda den e cas, nan a canta “bingo”!  Nan a bin haya cantidad di arma, municion, placa, y tambe a bin haya droga.

E pareha latino a keda deteni, y tur e materialnan, y mucho mas articulo di prueba a keda confisca, confirmando cu nan lo ta envolvi den caso(nan) di atraco recien riba e isla.

E pareha di habla hispano a dicidi pa djis keda keto, y no ta dunando cooperacion cu autoridad.  Te cu Diaranzon mainta, no por a defini nan identificacion, ni sikiera nan nacionalidad.

Sinembargo autoridad tin hopi material pa traha riba dje, y no ta preocupa cu e pareha no ta cooperando.  Riba orden di Ministerio Publico, nan ta encarcela y investigacion ta continua.

- Advertisement -

DUNA COMENTARIO

Please enter your comment!
Please enter your name here