Home arte y espectaculo Red Carpet y estreno di pelicula Ciudad Oraño tabata fenomenal

Red Carpet y estreno di pelicula Ciudad Oraño tabata fenomenal

133
0
SHARE
- Advertisement -

ORANJESTAD  (AAN): Diasabra anochi tabatin e estreno tan spera di e pelicula “Ciudad Oraño” presenta pa Fundacion CineAruba.

E anochi a cumina banda di 7 pm cu e ya acostumbrado yegada riba Red Carpet di artista y celebridadnan local.  Y manera a ser anuncia di antemano, na final di e Red Carpet lo tin e estreno di e pelicula den Crystal Theatre na Playa.

E parti di Red Carpet a sirbi pa e Fundacion duna elogio na mas di cincuenta talento local cu a forma parti di e produccion di Ciudad Oraño.

Ciudad Oraño a nace for di un storia cu Juan Francisco Pardo a skirbi na 1992. E ta consisti di articulonan di corant tocante sucesonan unda cu hobennan tabata envolvi. Loke mas ta resalta ta cu bintiseis aña despues e problemanan social a keda mescos y te hasta nan bira pio. E storia a ricibi un ahustacion pa por fit den e era digital di social media.

Na November 2016 e grabacion di Ciudad Oraño a inicia. E grabacionnan a worde planifica segun e localidadnan, esey a haci cu tur escena a worde graba acronologico. E sistema aki ta spaar mas tempo, pero e ta pone e capacidad di e actornan pa memora na prueba. Actua no ta facil, e ta rekeri hopi dedicacion y memoria.

Publico a mira e storia cu ta yen di sentimento, drama, y mensahe fuerte na e grandi y chikito.  Pabien na Fundacion CineAruba cu e storia bunita aki.  Den publico por a mira Ministro Xiomara Ruiz-Maduro tambe kende a bin sostene artistanan local.

- Advertisement -

DUNA COMENTARIO

Please enter your comment!
Please enter your name here