Home General Refineria lo drenta den fase di inspeccion entrante April 2019

Refineria lo drenta den fase di inspeccion entrante April 2019

140
0
SHARE
- Advertisement -

ORANJESTAD  (AAN): E trabaonan den e fase dos di Citgo a cuminsa. Gobierno ta trahando den pasonan acelera, pa sigura cu por supply Citgo, por supply tur e contratistanan cu kier traha pa Citgo.

Aunke Gobierno ta gradicido pa e cooperacion di Citgo. Na e momentonan aki tin contratistanan local ta trahando cu trahadonan local. E calculacion ta mas of menos 145 trahado y ta spera pa fase dos 155 trahado local y 27 trahado for di exterior. Den otro palabra 85% local y 15% di exterior.

Patrick Farro, a splica cu tin un DPL Oil & Gas Industry Desk cu ta bezig cun’e. A yama tur e contratistanan. Diahuebs mainta tin reunion cu nan. A yama tur esnan cu no tabata tin trabao prome, sea via corant, tambe via un actividad, a yama varios hende y a haya hopi documento y hopi hende cu ta interesa pa bin traha.

Lo percura prome pa nos localnan tin trabao. Farro a wordo apunta pa minister Croes, den e posicion di Oil & Gas manager pa e parti di labor, pa mira tur e Arubianonan cu mester realmente un trabao, pa wordo selecta.

For di Miguel Nava, a ricibi un binder, caminda cu tin tur e ex empleadonan cu tambe a yama. Hopi hende ta grandi caba. Sinembargo a splica Citgo y tambe minister a bisa Citgo cu kier e grandinan aki bin yuda pa mañan cu haya dos hoben, por prepara nan mientras cu nan ta cana bay e hobennan ta drenta. Tur esey tin den plan pa ta prepara tur esnan cu tin awor aki. Esnan cu ta dropout di scol, ta pasa piki nan, laga nan siña for di esnan cu tin experiencia, pa mañan por tin e futuro di refineria den nan man.

Fase 1 a cuminsa cun’e, pero despues cu tabata tin tanto problema cu a tuma luga. Awor aki banco a duna nan e oportunidad pa caba cu full e inspeccion. Esey ta fase 2. Tin cu inspecciona prome cu cuminsa un Unit, pa bo ta 100% cu e liña ta bay core 3 pa 4 aña sin ningun problema.

A base di e reportahe di inspectornan di tubo y tambe di e fornonan, nan ta bay bisa cu esaki ta bay pa fase 3 pa drecha. Fase dos, no tin nada di haci cu cualkier reparacion. E ta bay ta for di awo pa April 2019, solamente pa inspecciona. Kico mester wordo drecha a base di e rapport di e expertonan aki, nan ta bay cuminsa cu fase 3 pa drecha tur loke tin di drecha.

Tur cos cu tin cu wordo cambia, lo wordo cambia, segun reportenan di inspeccion di refineria.

Hopi profesional a yama Farro caba, cu nan ta interesa pa bin cas bek. E ocho lunanan cu lo bay tin awor aki ta di inspecciona. Despues ta papia di drecha. Ora cu caba di drecha, e ora ta bay yama e profesional den exterior, pa e bin cas bek.

Pa bay paga un Mericano pa bin traha operator na Aruba, bo tin cu paga su cas, bo tin cu paga su auto, bo tin cu paga su cuminda, e ora ta miho manda busca esunnan na Surinam of na Turkia, cu ta Arubiano, laga nan bin traha, duna nan un bon oferta pa asina nan keda den nan cas, cerca nan famia.

Hopi trahado ta yama e minister cu ta den exterior bisando cu nan ta pura pa bin bek cas. E lucha aki ta un lucha positivo y el a wordo logra. Paso pa paso, pero lo yega e 100% di dje.

 

- Advertisement -

DUNA COMENTARIO

Please enter your comment!
Please enter your name here