Home Gobierno Reforma di impuesto ta birando realidad

Reforma di impuesto ta birando realidad

58
0
SHARE
- Advertisement -

Prome Minister Evelyn Wever-Croes: ‘Crisisheffing’ ta pasa pa pasado

ORANJESTAD (AAN): Gabinete Wever-Croes ta trahando pa cambia e sistema di impuesto di nos pais. Desde cu Gobierno di Aruba a introduci e ‘Crisisheffing’, Gobierno a compromete su mes cu esaki lo ta temporal y cu lo bin cu un cambio substancial den e sistema di impuesto pa trece e alivio bek. Prome Minister Evelyn Wever-Croes a informa riba e trabaonan cu Gabinete a bin ta haciendo y e manera cu lo bay atende cu e cambio aki.

Manera cu ya ta conoci, Gobierno actual na e momento cu a drenta gobernacion fin di november aña pasa, a encontra cu sorpresanan financiero grandi y retonan enorme. Na inicio caba di gobernacion di Gabinete Wever-Croes, a constata cu e deficit cu tabata premira pa aña pasa di 25 miyon florin lo no por a wordo yega pero si a yega na un deficit di riba 150 miyon florin.

Na momento cu Gabinete Wever-Croes a asumi e responsabilidad, e presupuesto p’e aña aki lo mester a wordo entrega caba, sinembargo e Gobierno di AVP no a entreg’e. E surplus di 25 miyon florin cu mester a yega na dje e aña aki, a resulta cu riba papel tabata tin un deficit di 275 miyon florin haciendo e buraco financiero 300 miyon florin.

Esaki a duna Gobierno di Aruba e necesidad pa tuma algun paso pa sanea e situacion aki cuminsando prome cerca e ministernan. A baha e cantidad di minister, a baha e cantidad di personanan cu ta traha na bureaunan di e ministernan, bahando asina 20 miyon di florin riba e presupuesto.

E siguiente paso cu a tuma ta den e aparato gubernamental. Aki ta atendiendo cu e gasto di personal. Gobierno a traha un plan cu ta contene 7 punto. Esaki ningun momento ta e intencion pa kita 600 persona for di servicio manera prensa na Papiamento y te hasta un na hulandes a menciona. Lo contrario, Gobierno ta haci tur posibel pa evita kita hende for di trabou.

E tema di VUT tambe ta algo cu Gobierno ta atende cu n’e na unda a keda demostra cu tin un interes grandi pa cu esaki. Overtolligheidspool, esnan cu ta na cas cu no ta trahando, tambe tin e atencion debido di Gobierno. Promocionnan cu mester wordo duna, lo bay pa esnan cu merece a base di un ‘performance management’ na unda e persona mester prueba cu e por cumpli cu e tareanan di trabou. Contractnan tambe lo no wordo prolonga. Esakinan ta algun di e desicionnan cu Gobierno a tuma pa yuda baha gasto.

Gobierno a duna instruccion na compania nacional pa nan tambe mester ta solidario y cuminsa baha gasto. Ta spera cu esaki yuda genera mas entrada y ganashi cu por paga despues na dividend.

E di cuatro paso ta riba e sistema di impuesto. E bay wak unda tin buraco habri den nos leynan na unda e placa ta sali bay exterior sin cu ta paga belasting riba dje. Haciendo esaki, ta trahando riba esaki, cobrando e placa cu tin riba caya ainda.

“Esakinan ta pasonan cu Gobierno a tuma prome cu a introduci e ‘Crisisheffing’. A cuminsa cu e ministernan, e aparato gobernamental, companianan estatal y e placa di belasting riba caya. Sinembargo esakinan no tabata suficiente. Y a bay over pa introduci e “Crisisheffing’ cua a bisa tambe cu esaki lo ta temporal. IMF, riba peticion di Gobierno ta na Aruba pa dos siman pa yuda yega na un reforma di impuesto husto pa Aruba.

Cu e Reforma Fiscal e ‘Crisisheffing’ lo pasa pa pasado y Aruba lo sinti e alivio bek”, Prome Minister a duna di conoce.

 

 

 

 

- Advertisement -

DUNA COMENTARIO

Please enter your comment!
Please enter your name here