Home Parlamento Reglamentacion cu por wordo uza den paisnan grandi, kizas no ta aplicable...

Reglamentacion cu por wordo uza den paisnan grandi, kizas no ta aplicable pa Aruba

32
0
SHARE
- Advertisement -

Setty Cristiaans riba su viahe pa Parlatino:

ORANJESTAD (AAN): Dialuna durante e conferencia di prensa di tur Dialuna di fraccion di MEP, parlamentario Setty Cristiaans a papia di un bishita na Parlatino, cu a tuma lugar na Panama.

E reunion cu a tuma lugar tabata riba Agricultura, Cria y Pesca.

“Ami y colega Hendrik Tevreden entre otro a participa na un foro hunto cu Fruit and Agriculture Organization (FAO) di Nacionnan Uni  y esaki tabata importante”.

Esaki segun Cristiaans, kende a sigui bisa cu den e Parlatino a presenta un ley di pesca, cu tin di haber cu consumo responsabel y produccion di cuminda na mundo.

Ta asina cu FAO a conseha Parlatino pa introduci un ley y e ley aki ta primordialmente riba pesca.

“Nan kier reglamenta pesca mihor riba escala chikito, pero si nan pasa un ley asina e ta bay ta aplicable pa Aruba tambe, mescos cu pa Corsow y otro islanan chikito den Caribe”.

Esaki segun Cristiaans, kende a sigui bisa cu mirando cu den pasado Aruba a yega di firma declaracion of actonan cu tabata tin consecuencia pa Aruba, siendo cu esakinan no ta cuadra cu e tipo di maneho cu nos tin riba e isla aki.

Pesey e parlamentario a trece dilanti na e comision cu e y su colega no ta di acuerdo cu e delegacion di Aruba ta haya tende di e ley apenas ora cu nan a yega Parlatino.

“Mirando e grandura di e paisnan den Latino America, bo no por djis introduci un ley, unda cu quizas cierto cosnan cu ta conta pa un mercado grandi, no ta conta pa un isla chikito manera Aruba”.

“Corsow a respalda nos den nos peticion, unda cu nos a pidi Parlatino pa ora cu nan entrega un proyecto di ley, un declaracion of un decision cu ta bay wordo tuma, pa trece esaki na claridad prome pa islanan chikito, mirando cu e ley por tin consecuencianan mas drastico pa nos y no den nos ventaha”.

Esaki segun e parlamentario, kende a sigui bisa cu a pidi pa Aruba haya mas informacion di antemano, riba e ley cu nan kier introduci.

“Si por ehempel bin cu reglamentacion di pesca riba nivel chikito, esaki por tin su efectonan riba comunidad cu nos no a anticipa of cu nos no ta desea”, segun Cristiaans.

E ley rond di pesca tin di haber entre otro cu registracion di cuanto pisca a wordo gara, con grandi e piscanan tabata etc.

Esaki pa por preserva entre otro un populacion sano di pisca.

 

- Advertisement -

DUNA COMENTARIO

Please enter your comment!
Please enter your name here