Home General Richard Arends:  Falta di un programa di Gobernacion ta visibel durante apertura...

Richard Arends:  Falta di un programa di Gobernacion ta visibel durante apertura di Aña Parlamentario

14
0
SHARE
- Advertisement -

ORANJESTAD (AAN): Segun Richard Arends di Partido AVP, e apertura di Aña Parlamentario nobo, ta un di e dianan mas importante di nos estado di derecho caminda Gobernador ta duna un discurso den nomber di gobierno. Un discurso cu ta un declaracion di maneho di gobierno.

Loke nan di AVP a ripara ta cu e discurso ta carece di un base cu lo mester ta e programa di gobernacion. Ta un sin fin di idea y plannan cu no tin ningun fundamento financiero, sigur cu no pa presupuesto 2018  y ainda nos no a haya presupuesto 2019 pa por controla si e plannan cu gobierno a declara si esakinan ta factibel.

Riba otro aspecto nos a wak tambe hopi continuacion di maneho di gabinete anterior pa loke ta e area socio-economico.

Gobierno lo duna continuacion na e naschoolse opvang cu antes tabata tin e nomber Nos Atardi. E cinco pilar nan di desaroyo economico, innovacion y un economia di conocemento basa riba un establecimento di un smart city lo sigui.

E maneho di crecemento economico y mehoracion di calidad di bida a base di inversionnan riba infrastructura, manera e.o. aeropuerto, careteranan y den bario. Inversionnan cu ta sigui y nos ta contento cu gobierno actual a sigui cu esakinan manera cu nos a laganan atras.

Loke ta keda preocupante ta e falta di vision pa futuro, e falta di un perspectiva y esaki no ta nos como oposicion ta ripara esaki pero tambe institutonan internacional ta ripara esaki. A bisa cu lo traha riba e clima di inversion y empresarial, pero no tin un maneho cu ta fiha e cuadro pa haci esaki posible

Aunke cu Gobierno a menciona di ta inclusivo, nan accionan te awor tabata contrario. Integracion no a bin dilanti y gobierno no a menciona nada pa loke ta trata e exodo di ciudadanonan Venezolano pa loke ta trata e imigracion legal y ilegal cu tin na Aruba.

Mi persona den nomber di fraccion di AVP  a entrega un carta na Presidente di Parlamento cu cual nos ta urgi Presidente di Parlamento pa invita Minister President pa bin duna un splicacion ya cu nos ta tende cu hendenan ta pidi asilo, otronan ta lo haya asilo preliminar y nos kier claridad.

Mi ta kere cu nos como Parlamento nos trabao ta pa controla gobierno y prome cu e reunion  a haci entrega di carta pidiendo esaki na Presidente di Parlamento,” mr drs. Richard Arends a declara.

 

- Advertisement -

DUNA COMENTARIO

Please enter your comment!
Please enter your name here