Home Parlamento Richard Arends: Parlamento ainda no a ricibi cambionan den presupuesto 2018

Richard Arends: Parlamento ainda no a ricibi cambionan den presupuesto 2018

8
0
SHARE
- Advertisement -

ORANJESTAD (AAN): Gobierno a cuminsa presenta na Parlamento un reportahe di e ehecucion di presupuesto 2018. Ainda e parlamentarionan no a ricibi un presentacion for di gobierno, pero a cuminsa cu e prome rondo di pregunta. Pa Fraccion di AVP ta importante pa haya sa ki dia nan lo ricibi e presupuesto supletorio 2018 y kico cu embergadura lo ta pa loke ta trata reduccion di gasto y aumento di entrada.

Parlamentario di Fraccion AVP, mr. drs. Richard Arends a indica cu den e presupuesto supletorio 2018 tin cu incorpora e recomendacionnan di CAft, incluyendo e reduccion di gastonan di personal di 12 miyon Florin di cual ainda no tin accionnan concreto den esaki. Tambe e Fraccion di AVP ta kier haya sa ki dia lo entrega presupuesto 2019 na Parlamento cu mester consisti di un reduccion di deficit di 130 miyon di Florin pa por yega na e normanan nobo cu ta den deliberacion cu Hulanda pa fiha e cuadro financiero nobo.

Dia 1 di September ta e fecha cu gobierno mester entrega presupuesto 2019, pero no ta mira cu esaki lo yega prome cu e fecha menciona. A haci preguntanan na gobierno riba kico ta e plannan pa reduci e deficit di acuerdo e normanan tentativo, pero Minister di Finanzas no kier a elabora riba esaki.

Ainda Gobierno di Aruba no a yega na e palabracionnan cu Hulanda pa loke ta trata e cuadro financiero nobo. Tur hende sa cu e cuadro financiero entrega pa gobierno inicial a keda kita for di mesa y a drenta den deliberacionan cu Hulanda pa loke ta trata normanan nobo cu e.o. ta consisti di extension di e supervision financiero pa e duracion di e gabinete actual. Fraccion di AVP a spera cu ora cu e reunion reanuda otro siman lo ricibi contestanan y claridad necesario.

- Advertisement -

DUNA COMENTARIO

Please enter your comment!
Please enter your name here