Home Salud Scarcedad di enfermero no ta algo di Aruba so

Scarcedad di enfermero no ta algo di Aruba so

18
0
SHARE
- Advertisement -

Director di Imsan, dr. Joel Rajnherc

ORANJESTAD  (AAN): Servicio di ambulance ta un weso di lomba hopi importante den nos sector di cuido. Por a nota varios cara nobo y hoben cu ta trahando den servicio aki, yudando hende den diferente ocasion. Aki tambe un tempo tabata tin problema, unda cu mester a ranca enfermeronan for di SEH, subi ambulance y trece un tiki scarsedad di enfermero na Aruba.

Segun director di Imsan, dr. Joel Rajnherc, semper tin un cantidad di enfermero na Aruba. Pero no ta aki so. Esey ta un problema na Merca, ta un problema na Hulanda, na Europa. E cantidad di enfermeronan cu nos tin mester mundialmente, ta hopi mas grandi cu loke nos tin. Mester cuminsa adverti pa amplia e servicionan cu ta brindando pa educa nos hendenan pa bira enfermero.

E ta un funcion masha importante cu no semper ta wordo evalua door di nos publico den e balor cu nan tin pa henter nos cuido medico. Nan ta nos wowo, nan ta nos man, nan tey cu e pashent 24/7 y e dokter ta solamente un parti di dje.

Ora cu nos wak riba departamento di ambulance, nos mester di enfermonan cu ta hopi specialisa y cu ta haya un extra training, un extra educacion durante mas cu 1 aña, pa specialisa despues den e trabao di ambulance. E no ta facil. E ta hopi intensivo y e ta echt hopi educativo pisa tambe. Pesey hopi biaha bo ta wak awo cu ta enfermeronan cu a caba di haci nan educacion general, kisas tin un of dos aña di experiencia riba un departamento y despues ta bay specialisa den ambulance.

Awor aki tin 16 enfermero specialisa riba ambulance, pero e trabao ta asina duro cu basta hende hoben tambe despues di un paar di aña ta burnout y ta bay busca un otro funcion dentro di enfermeria. Kiermen continuamente tin cu busca enfermeronan nobo, hoben y experencia pa leid nan op pa enfermeronan di ambulance.

E ultimo grupo cu a forma y e edad averahe, ta aproximadamente un 25 aña. Esey ta hendenan masha hoben cu ta carga un responsbilidad hopi grandi riba nan schouder y cu hopi biaha no ta wordo aprecia manera cu nan mester wordo aprecia.

Dr. Rajnherc ta masha orguyoso cu e team. E no ta solamente e enfermeronan. Tambe ta tur e asistentenan cu ta eigenlijk e chauffeur y asistentenan di e enfermeronan. Hunto nan ta forma un team y hunto nan tin un educacion y un nivel masha halto y ta masha orguyoso di nan aki na Aruba.

Segun dr. Rajnherc, for di seis aña pasa a cuminsa renoba y mantene e renobacion y e calidad di e ekiponan. No solamente e flota di e ambulancenan mes, pero tambe tur e ekiponan riba e ambulance. Tur e monitornan, tur e aparatonan cu ta yuda cu CPR, tur eseynan a wordo modernisa y ta orguyoso pa bisa cu awo, e auto cu nan ta usa, e mayoria a wordo cumpra den e ultimo cinco añanan, nobo nobo y tur e aparatonan riba den e ambulancenan, tambe ta nobo y ta wordo manteni y duna un obn servicio.

Continuamente nan ta keda den ampliacion di e flota y e aña aki atrobe a cumpra un nobo. Ta masha satisfecho cu e manera cu e ta funciona y no ta solamente Rajnherc ta bisa esey, pero e enfermeronan mes y e chauffeurnan cu ta traha riba e autonan aki ta hopi contento cun’e.

Tabata completo, segun e director di Imsan, pero awor algun di nan ta bay cambia di funcion. Algun ta bay bira praktijk ondersteuners. Pasobra e trabao cu nan ta haciendo ta hopi pisa y algun di nan ta scoge pa bay busca un trabao cu ta mas facil cu no ta demanda tanto di nan, tambe fisicamente. Ta buscando hende. A pone aviso caba na Aruba, como tambe na Corsou y te ainda no a haya ni un solicitante y ta mustra cu den futuro cercano lo tin cu bay haci opleiding atrobe, aki na Aruba, pa mas enfermero riba ambulance.

Entrada di un enfermero riba ambulance: Ta depende di e añanan di experiencia y di unda e ta bin. Tur esakinan ta factornan. Pa Aruba, e entrada sigur ta substancial, segun dr. Joel Rajnherc.

- Advertisement -

DUNA COMENTARIO

Please enter your comment!
Please enter your name here