Home Politica Segun Arthur Dowers: Atrobe tin bagamunderia y inhusticia pasando na Aruba

Segun Arthur Dowers: Atrobe tin bagamunderia y inhusticia pasando na Aruba

13
0
SHARE
- Advertisement -

ORANJESTAD  (AAN): Parlamentario Arthur Dowers a splica cu, awor cu hende den pueblo a lanta contra esnan den gobierno, pasobra cu nan mes ta esunnan cu tempo nan tabata den oposicion cada bes cu tabata tin algo papia cu e forma di yuda ilegal, a resulta cu gobierno awe mes no sa kico nan ta haciendo.

Atrobe tin bagamunderia ta pasando den e pais aki. A haci inhusticia contra e empleado publico haciendo nan trabou y awor aki ta mira un minister ta sconde tras di hende pasobra e no sa kico ta pasando y e prome minister ta sali bisa cosnan cu no ta cuadra.

E problema cu tin awor aki ta atrayendo mas hende pa bin Aruba. Nan mes a cause door di invita e hendenan y bisanan cu lo vang nan op, registra nan y manda nan door pa otro paisnan, incluyendo Boneiro. Esey ta algo cu no mester a pasa. E gobierno anterior a handle cun’e na un forma balansa pa no atrae ni stimula ningun hende pa bin e pais aki cu no ta desea of no por maneha.

Lamentablemente nan a crea un caos awor aki y awor tin cu wak si nan por atende e caos aki of otro siman diadomingo atrobe ta yama un reunion urgente pa wak si nan por handle e siguiente crisis cu nan lo mester bay crea, of crea door di nan hendenan riba social media.

Parlamentario Dowers a splica cu e cos aki no tin sentido. Ta stipula bon cla cu si kier haci uso di e facilidad aki, bo mester cumpli cu e rekisitonan. Mescos cu bo ta bin Aruba, si bo kier pidi asilo, tin un manera pa haci’e. No por yega registra ken cu ta, con cu ta y esey no ta duna nan ningun derecho tampoco. No ta pasobra a registra aki bo tin cierto derechonan. Cosnan tin cu cana conforme ley y tratadonan internacional.

Lo mas tristo ta cu como minister di husticia, kita e hefe di Warda nos Costa, pasobra segun bo el a viola e regla cu tin eynan. E argumentacion tabata cu e hefe aki a trece Aruba den problema cu organisacionnan internacional. Y ken ta e organisacionnan internacional cu e ta referi na dje, ta logicamente organisacionnan cu awor aki e cartanan aki ta bin for di dje, segun parlamentario Dowers.

Ora duna impresion cu instancianan tin mas poder cu e hefe cu a haci su trabou y ta mande e hefe cas, manda door di un minister, e ta bira un problema serio.  Tin un minister cu e mes ta manda e ilegalnan registra na Rode Kruis segun Arthur Dowers. E no ta nada nobo. Tin un minister cu e mes ta manda hende pa bay na e luga aki, pa registra. Esey tambe lo bay sali y por ta lo bin un reunion urgente atrobe mientras tanto.

Loke cu tin cu tene cuenta cun’e. Un di e temanan mas miho prepara y multidisciplinario, no solamente na Aruba, pero cu tur departamento participando aden, incluyendo buitenlandse betrekkingen y otro departamentonan na Hulanda tin hendenan for di aki hasta a bay Hulanda pa mira con nan ta maneha esaki. A mira hopi hende cu ta bayendo otro partinan di Latino America.

Pais Aruba a percura tremendamende bon, pa atende si acaso si algo pasa. No ta propaga pa duna idea si. E parti tristo ta cu ora a duna tiki informacion riba e tema aki, partido MEP a crea henter un drama, bisando cu ta bay pone stadion pa yena hende, spanta tur e pueblo. Ora cu a bin den gobierno, a haya tur cos cla. Kico nan a haci, na luga di traha cu e profesionalnan cu a traha, prepara tur e trabao aki, a core invita esaki publicamente.

E hendenan no ta refugiado. Kico ta e situacion cu tin cu ta crea cu nan ta refugiado. No tabata tin un situacion di refugiado e momento. Pa bin na remarca pa asilo politico tin cu cumpli cu cierto condicionnan.

E hendenan no ta cumpli cu condicionnan. Ta compronde cu e situacion economico no ta sano, pero no por duna un carta pa atrae tur hende. E cos aki ta bon prepara. A humiya cierto directornan pa core cu otro directornan, a kita y difama cierto directornan.

Eynan ta mira cu tur cos a cay den otro. Si a cas cu e hendenan cu a prepara tur e cos aki tabata tin e confiansa cu e gobierno aki a scucha, a interesa y a respeta nan, nan no a haya den un crisisraad diasabra cu a pasa. Tur cos tabata prepara hunto cu Reino, segun parlamentario Arthur Dowers.

 

 

- Advertisement -

DUNA COMENTARIO

Please enter your comment!
Please enter your name here