Home Deporte Seleccion di Aruba cla pa enfrenta Bermuda na Corsou

Seleccion di Aruba cla pa enfrenta Bermuda na Corsou

72
0
SHARE
- Advertisement -

ORANJESTAD (AAN)- Dialuna atardi AVB a tene un conferencia di prensa na Windows on Aruba pa anuncia cu e team di Aruba den Concacaf Nations League ta cla pa enfrenta e team di Bermuda dia 9 di September na Corsou.

Presente na e conferencia tabata Sr. Richard Dijkhoff, presidente di AVAB, Martin Koopmans, director technico y coach, Marvic Bermudez, assistant coach, Hernan Jose Echiveria y Harvey Clement tambe formando parti di e seleccion.

Segun Sr. Koopmans,  a splica con e desaroyonan a bay pa yega na un seleccion cu na prome instante no tabata facil, ya cu e hungadornan akinan tabata manera un “sleeping giant”, nan tin talento, pero mester lanta for di soño. Pero cu hopi esfuerzo y dedicacion a sinta cu nan y papia cu nan y bisa nan cu mester cuminza move.

A yega na e solucion cu nan mester firma un contract y esun cu no por cumpli cu ne lo cay afor. Asina a logra haya hungadornan di Aruba y cu ayudo di algun hungador di Hulanda a logra traha e seleccion. Sr. Koopmans a sigui bisa cu awor a yega e momento cu mester tribi di soña, y su soño y meta ta pa na aña 2026 Aruba ta participando den e campeonato mundial di futbol.

Sr. Bermudez tambe a papia con nan a bay personalmente bishita e hungadornan di Hulanda, waak nan training y asina selecta nan pa forma parti di e team di Aruba. Y a yega asina leu cu Dialuna atardi e hungadornan a yega Aruba y ayera mainta a cuminza cu e trainingnan intensivo.

E prome wega di seleccion di Aruba ta tuma lugar na Corsou pa motibo cu e veldnan aki na Aruba no ta adecuado segun reglanan di Concacaf, pero Sr. Bermudez ta spera cu pa November cu ta e siguiente wega di Aruba si e wega lo por tuma lugar na Aruba mes.

Sr. Bermudez a invita e pueblo di Aruba en general cu por bay Corsou pa nan bay apoya e team di Aruba, pasobra sigur e sosten di fanatico ta un empuhe pa nan sigui persevera. E wega di Aruba ta programa pa tuma lugar Diadomingo 9 di September pa 6’or di atardi.

E seleccion di Aruba ta consisti di Eric Abdul di Dakota como keeper, Jean Marc Andersijn keeper di SV Tec, Lionel Kaarsbaan di Dakota como keeper, defensa Nathan Lo-A-Njoe di RCA, Leroy Oehlers di FC Lisse, Jean Pierre Heyden di National, Gino Mulders di HBS, Jefferson Vegas Morales di RKSV Sarto.

Medio campo Walter Bennet di Excelsior Maasluis, Edward Clarissa di national, Raymond Baten di Quick Boys, Jeamirr Howell Brokken di RCA, Liomar Croes di Dakota, Rua Melchor di RCA, Eric Santos de Gouvei RCA. Delanteronan Ricky Marte Hodge Dakota, Josua Gross Santana, ASWH, Jean Pierre Fingal di RCA, Ronald Gomez RCA, Josua John Busaspor y Annuar Kock di Estrella.

For di awor caba DIARIO Deporte ta desea e team aki tur clase di exito na Corsou y den tur nan otro weganan.

 

- Advertisement -

DUNA COMENTARIO

Please enter your comment!
Please enter your name here